کراچی (ویب ڈیسک)قومی کرکٹ ٹیم کے کپتان سرفراز احمد نے تو اپنی بیٹنگ اور کیپنگ سے پاکستانیوں کے دلوں کو ”قابو“ کر ہی لیا ہے مگر ان کے بھائی بھی کسی سے کم نہیں جنہوں نے کراچی کی گلی میں کرکٹ کھیلتے ہوئے ایسے چھکے لگائے کہ دیکھنے والے داد دیئے بغیر نہ رہ سکے۔سماجی رابطوں کی ویب سائٹ فیس بک پر سامنے آنے والی ویڈیو میں دیکھا جا سکتا ہے کہ سرفراز احمد کے بھائی شفیق احمد بائیں ہاتھ سے بیٹنگ کرتے ہیں جنہوں نے گیند باز کو زوردار چھکا بھی لگایا۔ وہ اپنے بھائی کی طرح ”وننگ اننگز“ کھیلنے والے کھلاڑی ثابت ہوئے اور اپنی ٹیم کو میچ جتوا کر ہی دم لیا۔
