فوج ملکی مفاد میں کردار ادا کرتی رہے گی، کور کمانڈرز کانفرس

راولپنڈی (مانیٹرنگ ڈیسک ‘ صباح نیوز) آرمی چیف جنرل قمر جاوید باجوہ کی زیر صدارت کور کمانڈر کانفرنس منعقد ہوئی جس میں ملک کی موجودہ صورتحال پر غور کیا گیا۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت کور کمانڈر اجلاس میں شامل شرکا اس بات پر متفق تھے کہ مسلح افواج قومی مفاد میں اپنا کردار ادا کرتی رہے گی۔ ملک میں جاری انسداد دہشت گردی آپریشنز کی پیش رفت کا بھی جائزہ لیا گیا۔ سربراہ پاک فوج جنرل قمر جاوید باجوہ کی زیرصدارت جمعرات کو یہاں جی ایچ کیو میں کورکمانڈر زکانفرنس ہوئی ،جکانفرنس میں اہم دفاعی امور اور افغانستان اور امریکی حکام کے ساتھ حالیہ رابطے کا جائزہ لیا گیا،کانفرنس میں اس بات پر اتفاق کیا گیا کہ سیکیورٹی ادارے قومی مفاد میں اپنا کردار جاری رکھیں گے ، ترجمان پاک فوج کے مطابق جنرل ہیڈ کوارٹرز راولپنڈی میں آرمی چیف جنرل قمر جاوید باجوہ کی سربراہی میں کور کمانڈرز کانفرنس ہوئی جس میں ملک کی اندرونی سیکیورٹی کی صورتحال، دہشت گردی کے خلاف جاری آپریشنز، جیو اسٹرٹیجک سیکیورٹی اور افغانستان اور امریکی حکام کے ساتھ حالیہ رابطوں کا جائزہ لیا گیا اس دوران کانفرنس میں ملک میں جاری انسداد دہشتگردی آپریشنز کی پیش رفت پر بھی غور کیا گیا اور آپریشنز کے دوران اب تک حاصل ہونے والی کامیابیوں پر اطمینان کا اظہار کیا گیا۔کور کمانڈرز کانفرنس میں شہدا کے خاندانوں کی فلاح و بہبود سمیت دیگر مختلف اندرونی اور پیشہ وارانہ پہلوں پر بھی غور کیا گیا کا نفرنس میں اس بات پر اتفاق کیا گیا کہ سیکیورٹی ادارے قومی مفاد میں اپنا کردار جاری رکھیں گے، کانفرنس سے خطاب میں آرمی چیف جنرل قمر جاوید باجوہ نے کہا کہ آپریشنل کامیابیوں کو سماجی ترقی میں حکومت کی مدد کے ذریعے مستحکم بنایا جائے گا ان کا کہنا تھا کہ حکومتی تعاون سے سماجی و اقتصادی شعبے سے وابستہ ترقی حاصل کی جا رہی ہے۔ان کا مزید کہنا تھا کہ بلوچستان میں بھی سماجی و اقتصادی ترقی کے لیے کوششیں جاری رکھی جائیں گی۔