لاہور (کرائم رپوٹر) سندر کے علاقہ میں نجی کلینک کے ڈاکٹروں کی جانب سے مبینہ طور پر غلط انجکشن لگنے سے 2سالہ بچے کی ہلاکت، ورثاءنے روڈ بلاک کر کے شدید احتجاج کیا۔ بتایا گیا ہے کہ سندر کے علاقہ میں واقع ایک نجی کلینک میں 9ماہ کے بچے شاہ زیب کو لایا گیا جس کے متعلق اسکے ورثاءکا کہنا ہے کہ بچے کو سردی لگی ہوئی تھی جس وجہ سے اسکی چھاتی بند تھی اور اسے سانس لینے میں دشواری ہو رہی تھی لیکن جیسے ہی وہ بچے کو لیکر کلینک پہنچے تو ڈاکٹر نے چیک کرتے ہی کہہ دیا کہ اس کے معدے میں گرمی ہے اور ساتھ ہی معدے میں گرمی کی دوایاں اور انجکشن دیدیا جس سے بچہ چند ہی منٹوں میں تڑپ تڑپ کر جاں بحق ہوگیا ۔ دوسری جانب ڈاکٹر کا کہنا ہے کہ بچے کو انتہائی نازک حالت میں کلینک پر لایا گیا تھا جہاں دوران علاج وہ جانبر نہ ہوسکا اور دم توڑ گیا تاہم واقعے کے متعلق پولیس کا کہنا ہے کہ انھیں جیسے ہی کوئی درخواست موصول ہوگی تو وہ اس درخواست گزار کے موقف کے مطابق کاروائی عمل میں لائیں گے۔
سندر کے اعلاقہ میں غلط انجکشن لگنے سے 2سالہ بچہ ہلاک
