لاہور (پ ر) وزےراعلیٰ پنجاب محمد شہبازشرےف نے کہا ہے کہ ہم نے عوام کی خدمت عبادت سمجھ کر کی ہے جبکہ ملک وقوم کی خوشحالی کے دشمنوں نے ترقی کے سفر مےں روڑے اٹکانے کی ہر ممکن کوشش کی لےکن ہماری حکومت نے ترقی کے مخالفین کی پرواہ کئے بغیر عوام کی خدمت جاری رکھی ہے اورآئندہ بھی عوامی خدمت کے سفر کو جاری و ساری رکھیں گے۔ دھرنوں کے ذریعے قوم کا وقت برباد کرنے والوں کو اپنے گریبان میں جھانکنا چاہیے۔ تبدیلی کے کھوکھلے نعرے لگانے والوں کو عوام کی ترقی اےک آنکھ نہیں بھاتی۔ ترقیاتی منصوبوں کی راہ میں رکاوٹ ڈالنا کیا عوام کی خدمت ہے؟عوام کی خدمت سے عاری عناصر نے اپنا تمام وقت الزام تراشی اور جھوٹ بولنے پر صرف کیا۔ باشعور عوام 2018 کے انتخابات میں دھرنا دینے والوں کی منفی سیاست کا ایک بار پھر دھڑن تختہ کردیں گے۔ وزےراعلیٰ پنجاب محمد شہبازشرےف نے ان خےالات کا اظہار مسلم لےگ(ن) کے وفد سے گفتگو کرتے ہوئے کےا ۔وزےراعلیٰ شہبازشرےف نے کہا کہ عوام کو صحت، ٹرانسپورٹ اور انفراسٹرکچر کی جدید سہولتوں کی فراہمی پر توجہ مرکوز کئے ہوئے ہیںاورتمام وسائل عوام کو رےلےف کی فراہمی کے منصوبوں پرصرف کےے جارہے ہےں۔متوازن ترقےاتی حکمت عملی کے تحت پسماندہ علاقوں کی ترقی پر خصوصی توجہ دی جارہی ہے۔گورنمنٹ رجب طیب اردوان ہسپتال مظفر گڑھ جنوبی پنجاب کے عوام کو صحت کی جدید و معیاری سہولتوں کی فراہمی میں اہم کردار ادا کر رہا ہے جبکہ صوبائی دارالحکومت میں پاکستان کڈنی اینڈ لیور ٹرانسپلانٹ انسٹی ٹیوٹ بنایا جا رہا ہے اور اس منصوبے کی تکمےل سے گردے اور جگر کے امراض کے علاج کےلئے جدید ترین طبی سہولتیں میسر آئیں گی اور یہ جنوبی ایشیا میںطبی سہولتوں کی فراہمی کے حوالے سے ایک منفرد اور جدید ادارہ ہوگا۔انہوںنے کہاکہ بیجنگ انڈرپاس عوام کو سہولتوں کی فراہمی میں ایک سنگ میل کی حیثیت رکھتا ہے اور اس انڈرپاس سے ٹریفک کی روانی میں بہتری آئی ہے اورشہریوں کے قےمتی وقت کی بچت ہو رہی ہے ۔ انہوںنے کہاکہ صوبے کی ترقی اور عوام کی خوشحالی کے منصوبے تیزی سے مکمل کئے جارہے ہیں اور صحت، ٹرانسپورٹ اور انفراسٹرکچر کے منصوبے معیار اور شفافیت میں اپنی مثال آپ ہیں۔ انہوںنے کہاکہ مخالفین کے پاس عوام کو دینے کیلئے کچھ نہیں جبکہ ہمارے عملی اقدامات عوام دوستی کا منہ بولتا شاہکار ہیں۔ وزیر اعلیٰ پنجاب محمد شہباز شریف نے میرانشاہ میں سکیورٹی فورسز کی گاڑی کے قریب دھماکے کی شدید مذمت کی ہے۔ وزیر اعلیٰ نے دھماکے میں قیمتی انسانی جانوں کے ضیاع پر گہرے دکھ اور افسوس کااظہار کیا ہے۔ وزیر اعلیٰ نے جاں بحق افراد کے لواحقین سے دلی ہمدردی اور اظہار تعزیت کیا ہے اور زخمیوں کی جلد صحت یابی کیلئے دعا کی ہے۔
