لاہور(خصوصی رپورٹ)پنجاب میں پہلی جماعت سے دسویں جماعت تک لازمی تعلیم مفت فراہم کرنے کے قانون پر عملدرآمد کی نگرانی کے لئے وزیراعلی پنجاب محمد شہباز شریف کی جانب سے تشکیل کی گئی خصوصی کمیٹی کا اجلاس آج سول سیکرٹریٹ لاہور میں ایڈیشنل چیف سیکرٹری پنجاب شمائل احمد خواجہ کی صدارت میں منعقد ہوا- قائمقام سیکرٹری سکولز ایجوکیشن حسن اختر ، سیکرٹری لٹریسی نوید احمد چوہدری اور دیگر متعلقہ سنیئر افسران کے علاوہ ڈپٹی سیکرٹری انفارمیشن اینڈ کلچر را¶ پرویز اختر بھی اجلاس میں موجودتھے-اجلاس کے دوران پنجاب فری اینڈ کمپلسری ایجوکیشن ایکٹ مجریہ 2014 ءکی تمام 24شقوں پرعملی پیش رفت کا تفصیلی جائزہ لیا گیا – اجلاس کو بتایا گیا کہ گزشتہ 2سال کے دوران محکمہ سکولز ایجوکیشن پنجاب میں ایک لاکھ 20ہزار نئے ٹیچرز بھرتی کئے گئے ہیںجبکہ مزید80ہزار ایجوکیٹرز کی بھرتی اگلے دو ماہ کے دوران مکمل کرلی جائے گی- صوبے کے سرکاری سکولوں میں اس سال اب تک 17لاکھ بچوں کو پہلی جماعت میں داخلہ دیا جاچکا ہے جن کے لئے مطلوبہ تعداد میں سکولز ہرجگہ موجود ہیں- صوبے کے سرکاری سکولوں میں 36ہزار نئے کمروں کی تعمیر کا کام مرحلہ وار مکمل کیا جارہا ہے – حکومت پنجاب پبلک پرائیویٹ پارٹنرشپ کے تحت پنجاب ایجوکیشن فا¶نڈیشن کے توسط سے بڑی تعداد میں نئے سکولوں کے قیام کی حوصلہ افزائی کررہی ہے – پرائیویٹ سیکٹر میں کام کرنے والے تمام سکولوں کو اس بات کا پابند کیا جاچکا ہے کہ وہ ہرکلاس میں کم سے کم دس فیصد بچوں کو مفت تعلیم فراہم کریں گے- اس پابندی کا اطلاق صوبے کے ان چھ پبلک سکولوں پر بھی کیا گیا ہے جنہیں حکومت پنجاب مالی معاونت کے لئے سالانہ گرانٹ ان ایڈ فراہم کرتی ہے- صوبے کے تمام غیررسمی تعلیمی اداروں ، خصوصی بچوں کے تعلیمی اداروں اور بھٹہ خشت میں مزدوری کرنے والوں کے بچوں کو بھی کلاس ایک سے دسویں جماعت تک مفت تعلیم کی فراہمی یقینی بنائی گئی ہے-ایڈیشنل چیف سیکرٹری پنجاب شمائل احمد خواجہ نے خادم پنجاب خدمت کارڈز سکیم کے تحت اینٹوں کے بھٹوں پر مزدوری کرنے والوں کے بچوں کو 87ہزار خدمت کارڈز جاری کرنے کوحکومت پنجاب کا ایک انقلابی فیصلہ قرار دیا اور اس بات کو خوش آئند قرار دیا کہ بہت مختصرعرصے میں اس کیٹیگری میں آنے والے 87ہزار بچوں میں سے 56ہزاربچوں کے والدین کو 2ہزار روپے ماہانہ تعلیمی وظیفے کی رقم جاری کی جارہی ہے جبکہ باقی 31ہزار بچوں کے والدین کے قومی شناختی کارڈز کی تفصیل اکٹھی کرنے کا کام بہت جلد مکمل کرلیا جائے گا- اجلاس کے دوران پنجاب کے 16اضلاع میں چھٹی سے دسویں کلاس تک زیرتعلیم 61ہزار طالبات کو ایک ہزار روپے ماہانہ تعلیمی وظیفے کے طور پر باقاعدگی کے ساتھ ادا کیا جارہا ہے ۔اجلاس میں فیصلہ کیا گیا کہ پانچ سال سے سولہ سال عمر کے بچوں کا تمام تر ریکارڈ مقامی بلدیاتی اداروں کی تحویل میں رکھا جائے گا- اسی طرح مفت لازمی تعلیم کے لئے درکار فنڈز اور ذمہ داریوں کو بھی منتخب بلدیاتی اداروں کے ساتھ شیئر کیا جائے گا- اجلاس میں صوبائی سیکرٹری لوکل گورنمنٹ اینڈ کمیونٹی ڈویلپمنٹ پنجاب ، صوبائی سیکرٹری سپیشل ایجوکیشن پنجاب اور منیجنگ ڈائریکٹر پنجاب ایجوکیشن فا¶نڈیشن کو بھی وزیراعلی پنجاب کی تشکیل کردہ اس خصوصی کمیٹی میں ” کوآپٹ “ کرنے کا فیصلہ کیا گیا۔لاہور (خصوصی رپورٹ) ڈسٹرکٹ رجسٹریشن اتھارٹی نجی سکولز لاہور کی جانب سے صوبائی دارالحکومت میں پانچ مرلہ سے کم کے رقبہ پر قائم نجی سکولز کے خلاف کریک ڈاﺅن کا فیصلہ کیا گیا ہے، اس تناظر میں تمامیونین کونسلز میں قائم سکولوں کی جانچ پڑتال کے لیے کمیٹیاں بنادی گئی ہیں۔ تفصیلات کے مطابق محکمہ تعلیم کو ایک رپورٹ میں بتایا گیا ہے کہ اس وقت شہر بھر میں 1000 سے زائد ایسی عمارتوں میں نجی سکولز کھلے ہوئے ہیں جن کا رقبہ پانچ مرلے سے کم ہے اور ان سکولوں میں طالب علموں کی ذہنی و جسمانی نشوونما انتہائی مخدوش حالت میں پائی جاتی ہے، بالخصوص پلے گروپ، نرسری اور اپر نرسری جیسی کلاسز کے بچوں کو ایک ہی کمرے میں بھیڑ بکریوں کی طرح بٹھایا گیا ہے اور عمارتوںکی حالت بھی قواعد و ضوابط کے مطابق نہیں ہے۔ جس پر ایکشن لیتے ہوئے ڈی آر آئی (ڈسٹرکٹ رجسٹریشن اتھارٹی نجی سکولز) نے کمیٹیاں تشکیل دے دی ہیں جو ان سکولوں کو تین ماہ کے اندر اندر عمارتوں کو تبدیل نہکی گئی تو ان کی رجسٹریشن منسوخ کر دی جائے گی اور جو سکول محکمہ تعلیم سے رجسٹرڈ نہیں ہیں ان کو بند کیا جا سکے گا۔

لاہور (ایجوکیشن رپورٹر) خبریں کی خبر پر ایکشن ،تعلیمی اداروںمیں کاربونیٹڈ ڈرنکس اور انرجی ڈرنکس کی فروخت پر پابندی ،پابندی کا اطلاق گرمیوں کی چھٹیوں کے فورا بعد ہو گا،کاربونیٹڈکولڈ ڈرنکس کے استعمال سے بچوں میں ہڈیوں سمیت جسمانی نشوونما متاثر ہوتی ہے،ڈی جی پنجاب فوڈ اتھارٹی ۔تفصیلات کے مطابق کچھ روز قبل کاربونیٹڈ ڈرنکس اور انرجی ڈرنکس کے حوالے سے روزنامہ ”خبریں“ میں خبر شائع کی گئی تھی جس پر ایکشن لیتے ہوئے پنجاب فوڈ اتھارٹی کی طرف سے سکولوں میں کولڈ درنکس پابندی کے حوالے سے کی گئی قانون سازی سے تفصیلی طور پرآگاہ کرنے کے لیے کولڈ ڈرنکس اور مشروب ساز کمپنیوں سمیت تمام سٹیک ہولڈرز سے ملاقات کی گئی۔ سٹیک ہولڈرز کو سکولوں میں تمام قسم کی کاربونیٹیڈ ڈرنکس پر پابندی کے متعلق آگاہ کرتے ہوئے بتایا گیا کہ ریڈ زون میں شامل تمام اشیاءجیسا کہ کاربونیٹڈ ڈرنکس اور انرجی ڈرنکس وغیرہ کی سکولوں کے اندر اور سکولوں کی حدودکے 100 میٹر کے احاطے کے اندر فروخت پر مکمل پابندی عائدہو گی۔ پابندی کا اطلاق گرمیوں کی چھٹیوں کے فورا بعد سے ہو گا۔ڈی جی فوڈ اتھارٹی نے پابندی کی وجوہات سے آگاہ کرتے ہوئے بتایا کہ کاربونیٹڈکولڈ ڈرنکس کے استعمال سے بچوں میں ہڈیوں سمیت جسمانی نشوونما متاثر ہوتی ہے۔انہوں نے مزید بتایا کہ سکولوں میں پنجاب فوڈ اتھارٹی گرین زون میں شامل مصنوعات، پھل، ملک شیک، فروٹ چاٹ، دودھ اور دہی سے بنی اشیاءکی اجازت ہو گی۔ علاوہ ازیں ملاقات میںکولڈڈرنکس اور مشروبات میں مضر صحت رنگوں کے استعمال کا معاملہ بھی زیر بحث آیا ۔ڈی جی فوڈ اتھارٹی نورالامین مینگل نے کولڈ درنکس سمیت تمام مشروبات کے اجزا اور معیار کو قوانین کے مطابق بنانے کے لیے تمام کمپنیوں کو 2 ماہ کی مہلت دی۔ 2 ماہ کے اندر تمام اجزاءپنجاب فوڈ سیفٹی ریگولیشن 2017 کے مطابق بنانے کے احکامات جاری کیے۔ اس حوالے سے ڈی جی فوڈ اتھارٹی نورالامین مینگل کا کہنا تھا کہ مشروبات میں منظور شدہ فوڈ کلرز کا استعمال نا کرنے پر لائسنس منسوخی سمیت سخت کاروائی کی جائے گی۔ڈی جی فوڈ اتھارٹی کی سربراہی میں ہونے والی ملاقات میں نیسلے، پیپسی، کوکا کولا، آر سی، قرشی انڈسٹری، مچلز اور دیگر سٹیک ہولڈرز نے شرکت کی اور پنجاب فوڈ اتھارٹی سیفٹی اینڈ سٹینڈرڈ ریگولیشنز2017ءپر مکمل اعتماد کا اظہار کرتے ہوئے تمام قوانین پر عمل درآمد یقینی دہانی کروائی۔

لاہور (خصوصی رپورٹ) قصور میں سیریل کلرز کا راج، درندگی دندنانے لگی، قصور کی معصوم اور بے قصور بیٹیوں کی عزتیں لٹنے لگیں۔ بچیوں کے ساتھ زیادتی کے بعد قتل کے واقعات کا انکشاف، تھانہ صدر قصور کی حدود میں تین ماہ کے دوران درندوں نے پانچ کلیوں کومسل دیا۔ لاشیں زیرتعمیر گھروں اور حویلیوں سے ملیں۔ لواحقین نےوزیراعلیٰ پنجاب کو موقع پر پہنچ کر انصاف دینے کا مطالبہ کردیا۔تفصیلات کے مطابق تھانہ صدر کی حدود میں تین ماہ کے دوران پانچ بچیاں قتل کر دی گئیں۔ علاقہ میں خوف و ہراس پھیل گیا، لوگوں نے بچیوں کو سکول جانے سے بھی منع کر دیا، محلے داروں نے کہا ہے کہ ان واقعات کے بعد پولیس کی طرف سے صرف تسلیاں ہی دی جا رہی ہیں، وارداتوں کا سلسلہ رواں سال فروری سے شروع ہوا جس میں ایک ہی طریقے سے بچیوں کو ہوس کا نشانہ بنایا گیا اور پھر ان کی زندگیاں چھین لی گئیں۔ لاشیں زیرتعمیر گھروں اور حویلیوں سے ملیں نشانہ بننے والی معصوم بچیوں کا تعلق غریب گھرانوں سے ہے۔ متاثرین نے کہا کہ ان دردناک واقعات ے بعد کسی بھی اہم شخصیت اور پولیس افسر نے داد رسی کیلئے رابطہ نہیں کیا۔ ایک ہی تھانے صدر کی حدود میںہونے والے واقعات میں جن بچیوں کو نشانہ بنایا گیا ان کی عمریں 5 سے 11 سال کے درمیان ہیں۔ اس حوالے سے جب ڈی پی او قصور سے رابطہ کرنے کی کوشش کی گئی لیکن رابطہ نہ ہوسکا۔قابل ذکر بات یہ ہے کہ جس تھانے کی حدود میں یہ درندناک واقعات ہوئے یہاںکا ایس ایچ او کئی سالوں سے یہاں ہی تعینات ہے اور ان بڑے واقعات ہونے کے باوجود اس کو وہاں سے تبدیل نہیں کیا گیا۔قصور تھانہ صدر کے علاقہ میںکمسن بچیوںکو زیادتی کے بعد قتل کرنے کے واقعات پر متاثرہ خاندان کے افراد نے بتایا کہ رات کو گھروں کے باہر سوتے ہوئے اکثر بچیاںغائب ہوئیں جبکہ کچھ کو سودا سلف لانے بھیجا تو وہ گھرواپس نہ آئیں، قتل ہونےوالی بچیوں کے ورثاءنے کہا کہ یہ علاقہ غیر تو نہیں جہاںکوئی گھر میں سوئے ہوئے بچوں کو اٹھا کر لے جائے، لواحقین نے کہا کہ ہم غریب لوگ ہیںاس لیے کوئی ہماری مدد کو نہیں آیا، غریب کی کوئی عزت نہیں ہوتی اگر یہ واقعہ کسی جاگیردار یا وڈیرے کے ساتھ ہوا وہتا تو پوری مشینری حرکت میں آ جاتی۔ قصور میں ہونے والے دلخراش واقعہ کے بعد والدین نےخوف کے باعث سکول جانے والی اپنی بچیوں کو سکول جانے سے روک دیا، علاقہ میں خوف اور سوگ ا ساماں، قیامت خیز واقعہ نے ہر درد دل رکھنے والے انسان کو جھنجھوڑ دیا، کئی گھروں کا سکون برباد ہو گیا۔ قصور تھانہ صدر کے علاقہ میں تین ماہ کے دوران کمسن بچیوں سے زیادتی اور قتل کے واقعات رونما ہونے کے باوجود یہاں پرتعینات ایس ایچ او کو تبدیل نہ کیا گیا اور نہ ہی اس کے خلاف کوئی محکمانہ کارروائی کی گئی۔