نیویارک(شوبز ڈیسک) 70سے زائد اینی میٹڈ فلموں میں اپنی لاجواب اداکاری سے کروڑوں مداحوں کو متاثر کرنے والے مشہور کارٹون کردارمِنی ماﺅس کو ہالی وڈ واک آف فیم سٹار کا اعزاز حاصل ہوگیا ہے۔ہالی ووڈ واک آف فیم لاس اینجلس میں منعقد کی جانے والی اس تقریب میں مِنی ماوس نے اپنے نام کے ستارے کی نقاب کشائی کی۔تقریب میں مِنی ماﺅس کے دوست مکی ماﺅس، مشہور امریکی گلوکارہ کیٹی پیری اور والٹ ڈزنی کے سی ای او رابرٹ ایگر نے خصوصی طور پر شرکت کی۔اس موقع پر سینکڑوں کی تعداد میں مداح بھی اپنے پسندیدہ کردار کی ایک جھلک دیکھنے کے لیے وہاں موجود تھے۔
