ممبئی (شوبز ڈیسک)بالی وڈ اداکارہ پرینیتی چوپڑا نے کہا ہے کہ اداکار اکشے کمار کے ساتھ کام کرنے کے لئے فلم کیسری بہترین فلم ہے۔ بھارتی میڈیا کے مطابق اداکارہ پرینیتی چوپڑا نے کہا ہے کہ وہ بہت طویل عرصے سے اداکار اکشے سر کے ساتھ کام کرنا چاہتی تھیں اور میرا خیال ہے کہ یہ بہترین فلم ہے کیونکہ اکشے پنجابی ہیں اور فلم جس موضوع پر مبنی ہے اس کے لئے بہترین محسوس کرتے ہیں،اداکار اکشے کمار کے ساتھ کام کرنے کے لئے فلم کیسری میرے لئے بہترین فلم ہے اور میں فلم کی عکسبندی کے لئے پرجوش اور خوش ہوں ہدایتکار انوراگ کشپ کی فلم کیسری کی کہانی ساراگڑھی کی جنگ پر مبنی ہے، فلم آئندہ سال ہولی پر ریلیز کی جائے گی۔
