ممبئی(شوبزڈیسک)بالی ووڈ کی خوبرو اداکارہ رانی مکر جی نے کہا ہے کہ انڈین فلموں میں پہلے جیسا میوزک پرستاروں کو آج کل سننے کو نہیں مل رہا ، ایکشن سے بھرپور فلموں کیساتھ ساتھ عوام ہٹ سونگ بھی سننا چاہتے ہیں جو ان کے دکھی دلوں کا مداوا کرسکے۔ایک بھارتی خبررساں ادارے کو دیئے گئے انٹرویو میں انہوں نے کہاکہ بھارت میں ایکشن سے بھرپور فلمیں بن رہی ہیں جو ہٹ بھی جارہی ہیں مگر میرے خیال کے مطابق ان کا میوزک اور گانے عوام کو شاید پسند نہیں آرہے جس کی وجہ سے شائقین فلم فلموں سے کنارہ کشی کرتے دکھائی دے رہے ہیں کیونکہ شائقین چاہتے ہیں کہ ان کے دکھوں کے مداوے کیلئے فلم میں اچھے گانے بھی ہونے چاہئیں تاکہ وہ ہر طرح سے فلم کو انجوائے کرسکیں۔انہوں نے کہاکہ ہمارے دور میں اگرچہ ایکشن فلمیں بہت کم بنتی تھیں مگر محبت اور اچھے گیتوں سے بھرپور فلموں کو پرستار آج بھی یاد کرتے ہیں ۔
