راولپنڈی(سٹی رپورٹر)سابق وزیراعظم نواز شریف کی صاحبزادی مریم نواز نے اڈیالہ جیل میں کتاب لکھنا شروع کر دی۔ذرائع کے مطابق سابق وزیراعظم نواز شریف کی صاحبزادی مریم نواز اس وقت احتساب عدالت کی طرف سے ایون فیلڈ ریفرنس میں سزا کاٹ رہی ہیں اور وہ اڈیالہ جیل میں قید ہیں۔باخبر لیگی ذرائع نے انکشاف کیا ہے کہ مریم نواز نے جیل میں کتاب لکھنا شروع کر دی ہے اور کسی بھی وقت یہ خبر سامنے آ سکتی ہے کہ مریم نواز کی انکنشافات سے بھر پور کتاب سامنے آ رہی ہے۔اور پھر اس کتاب کی پوری دنیا میں مارکیٹنگ کی جائے گی،ابھی مریم نواز کی کتاب کو خفیہ رکھا جا رہا ہے لیکن جیل انتظامیہ بھی اس حوالے سے الرٹ ہے۔۔مریم نواز کتاب میں جو بھی لکھتی ہیں وہ نوٹس ان سے ملاقات کرنے کے لیے جو بھی آئے اسے دے دیتی ہیں اور مریم نواز نے جیل میں جو کتاب لکھنے جا رہی ہے وہ منظر عام پر بھی آ جائے گی۔
