سیٹھی کے جانے پرکرکٹ کوکوئی اثرنہیں پڑیگا،طاہرشاہ ، پی ایس ایل کونکھارنے میں سیٹھی کاکردارانتہائی اہم رہا،راجہ اسدعلی کی گگلی میں گفتگو

لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ میرے خیال میں نجم سیٹھی کو بہت پہلے استعفیٰ دیدینا چاہئے تھا ان کے جانے سے کرکٹ پر کوئی اثر نہیں پڑیگا، چینل ۵ کے پروگرام ”گگلی“ میں گفتگو کرتے ہوئے انہوں نے کہا کہ پی سی بی کو احتساب سے کوئی استثنیٰ تو نہیں، آڈٹ ہونا چاہئے ، نیب انٹرنل آڈٹ کرائے ، آڈٹ صرف دیگر محکموں کا نہیں پی سی بی کا بھی ہونا چاہئے، کرکٹ کمنٹریٹرراجہ اسد علی نے کہا کہ نجم سیٹھی نے کرکٹ کی کافی خدمت کی ہے، انکا ایک اچھا نام بن گیا ، آگے بھی ضرورت پڑی تو انہیں دوبارہ بھی بلایا جاسکتا ہے، نجم سیٹھی پڑے لکھے اور کاروباری آدمی ہیں ، پی ایس ایل بھی انہوں نے کرایا ،انہوں نے کہا کہ بہت سے لوگ صرف موج مستی کے لئے چیئرمین بنتے ہیں۔