ممبئی(ویب ڈیسک) نامور بالی ووڈ اداکارہ پریانکا چوپڑا نے یتیم بچیوں کے ساتھ وقت گزارنے اور ان کے لیے خوبصورت گانا گانے پر اپنے منگیتر نک جونز کا شکریہ اداکیا ہے۔اداکارہ پریانکا چوپڑا نے گزشتہ روز انسٹا گرام پر ایک ویڈیو شیئر کی ہے جس میں وہ، ان کے منگیتر نک جونزاور ان کے ساس سسر یتیم بچیوں کے ساتھ خوشگوار انداز میں بیٹھے نظر آرہے ہیں، جب کہ نک بچیوں کو گانا بھی سنا رہے ہیں۔پریانکا نے ان خوشگوار لمحات کو انسٹاگرام پر شیئر کرتے ہوئے لکھا ”میں ان بچیوں کو تقریباً 12 سال سے جانتی ہوں لیکن نک جونز نے ایک منٹ میں انہیں اپنا گرویدہ کرلیا، نک جونز اوران کی فیملی کا بہت شکریہ اس کے ساتھ ہی پریانکا نے وہاں موجود تمام یتیم بچیوں کو مخاطب کرتے ہوئے کہا ہمیں ایک بار پھر دل سے خوش آمدید کہنے کے لیے آپ سب کا بھی بےحد شکریہ۔“
