رشی کپور نے اپنی تعریف کرنے والے وکیل ہی کا مذاق اڑادیا

ممبئی(ویب ڈیسک) اپنی شعلہ بیانی کے لیے مشہور اداکار رشی کپور نے ان کی اداکاری کی تعریف کرنے والے وکیل کو بھی شرمندہ کردیا۔رشی کپور کی حال ہی میں ریلیز ہوئی فلم ”ملک“ کو شائقین کی جانب سے ملا جلا ردعمل ملا ہے۔ تاہم ان کے ایک مداح نے ان کی اداکاری کی تعریف کرتے ہوئے کہا ”سر میں نے آپ کی فلم”ملک“ دیکھی جس میں آپ نے ایک وکیل کو صورتحال کے پیش نظر مظلوم ظاہر کیا جس پر آپ قابل تعریف ہیں، بحیثیت وکیل میں آپ کو سماجی مسائل اجاگر کرنے پر مبارکباد دیتا ہوں۔“اصولاً تو رشی کپور کو اپنے اس مداح کو سراہنا چاہیے تھا لیکن انہوں نے الٹا اس کی انگریزی کا مذاق اڑاتے ہوئے کہا ”بحیثیت وکیل آپ کی انگریزی، گرامر اور املا بہت خراب ہے، میں سمجھ نہیں پارہا کہ آپ کہنا کیا چاہ رہے ہیں، آپ کو اس پرتوجہ دینی چاہیے۔“