ممبئی (ویب ڈیسک)بالی وڈ کے مشہور ریپر اور ڈانسر ابھیجیت شندے نے گلے میں پھندا ڈال کر خود کشی کرلی۔ ڈانسر ابھیجیت شندے ممبئی میں رہائش پذیر تھے جہاں انہوں نے اپنے گھر میں پنکھے سے لٹک کر زندگی کا خاتمہ کیا۔ لاش کے پاس سے ایک خط بھی ملا ہے جس میں ڈانسر نے بینک اکاو¿نٹس بیٹی کے نام منتقل کرنے کا کہا ہے۔ ڈانسر گھریلو معاملات کی وجہ سے ذہنی تناو¿ کا شکار تھا جب کہ اہلیہ سے علیحدگی کے بعد متعدد بار بیٹی سے ملنے کی کوشش بھی کی تھی جس میں انہیں ناکامی کا سامنا کرنا پڑا تھا۔پولیس نے ابھیجیت شندے کی خودکشی کی وجوہات کے تعین کے لیے تحقیقات شروع کردی ہیں۔ابھیجیت شندے مشہور ڈانسر اور ریپر تھے جنہوں نے بالی وڈ کے صف اول کے اداکاروں کے ساتھ فلموں میں کام کیا جس میں اجے دیوگن، رنبیر کپور، رنویر سنگھ سمیت کئی شامل ہیں۔
