ایشیاکپ کےلئے حفیظ کوٹیم میں جگہ ملنی چاہیے،مرزااقبال بہترین فٹنس کےلئے پلیئرزکاکیمپ ایبٹ آبادمیں لگایاگیا،وسیم خان کی گگلی میں گفتگو

لاہور(مانیٹرنگ ڈیسک) مرزا اقبال بیگ نے کہا کہ 2016میں بھی ایبٹ آباد میں کھلاڑیوں کے لئے فٹنس کیمپ لگایا گیا تھا۔ٹریننگ بہت اہم ہے فوجی ٹرینر ٹریننگ دے رہے ہیں ۔فٹنس کے لئے یہ ایک اچھی کوشش ہے۔چینل فائیو کے پروگرام گگلی میں گفتگو کرتے ہوئے انہوں نے کہا کہ انہوں نے کہا کہ میرے خیال میں حفیظ کو کھلانا چاہئے ان کی جگہ بنتی ہے۔پاکستانی کرکٹ بو رڈ میں عمر رسیدہ لوگ قابض ہیں جس کے باعث نئے لوگ آگے نہیں آپاتے۔مثال کے طور پر سبحان احمد،اس کے علاوہ ہارون رشید ہر دور میں آجاتے ہیں،علی ضیاءشفیق پاپا انہتر برس کے ہو گئے ہیں اس مافیا کو ہٹانا ہو گا۔سپورٹس جرنلسٹ وسیم خان نے کہا ہے کہ جب بھی کسی ٹورنامنٹ کی تیاری کے لئے کیمپ لگایا جاتا ہے تو اس میں کچھ نئے اور کچھ پرانے پلیئر ہوتے ہیں۔ایبٹ آباد میں کیمپ لگانے کا مقصد ہے وہاں بلندی پر آکسیجن کی کمی ہوتی ہے ایسی جگہ پر پریکٹس کرنے سے کھلاڑیوں کا سٹیمنا بہتر ہوتا ہے ۔کیمپ میں نام شامل کرنے کا مطلب یہ نہیں کہ آپ ٹیم میں آ گئے ہیں۔سپورٹس جرنلسٹ فرحان نثار نے کہا کہ ہر تین چار ماہ بعد فٹنس کیمپ لگانے کی سمجھ نہیں آ رہی ۔کھلاڑیوں کو آرام کا موقع بھی ملنا چاہئے۔حفیظ کو لگتا ہے ایشیاءکپ میں کوئی میچ نہیں کھلایا جائے گا۔