نوین وقار اورہارون شاہد ڈرامہ ”تجدید وفا“ میں نظر آئینگے

لاہور(شوبزڈیسک ) گلوکار و اداکار ہارون شاہد نے فلم کے بعد ٹی وی ڈراموں میں بھی قسمت آزمائی کا فیصلہ کرلیا۔ اس سے قبل انہوں نے ماہرہ خان کیساتھ فلم ورنہ میں پہلی بار کام کر کے فلمی کیریئر کا آغاز کیا تھا۔ہارون شاہد پہلی بار اداکارہ نوین وقار کیساتھ ”تجدید وفا“ میں سکرین شیئر کرتے نظر آئینگے، نوین نے اپنے کردار کے بارے میں کہا میرا کردار با لکل میری طرح ہے جیسی میں حقیقی زندگی میں ہوں۔ انہوں نے کہا ہارون کیساتھ کام کرنے کا تجربہ انتہائی خوشگوار ہے، ہماری شوٹنگ ابھی اسلام آباد میں جاری ہے۔ڈرامے کی کہانی سمیرا فضل نے لکھی ہے جبکہ اسکی ہدایات کے فرائض الیاس کشمیری سر انجام دے رہے ہیں۔ واضح رہے نوین وقار کا ڈرامہ ماہ تمام حال ہی میں ختم ہوا ہے جس میں انہوں نے عماد عرفانی، رمشا خان اور وہاج علی کیساتھ کام کیا۔