لاہور(شوبزڈیسک)اداکارورون دھون اور انوشکا شرما کی فلم ” سوئی دھاگہ “ کی پاکستان میں نمائش کے حقوق ڈسٹری بیوشن کلب نے حاصل کر لئے۔یش راج فلمز کے بینر تلے فلم 28 ستمبر کو سنیماو¿ں کی زینت بنے گی۔ ٹریلر اور گیت پہلے ہی سوشل میڈیا پر مقبول ہوچکے ہیں۔بالی وڈ کے معروف پروڈکشن ہاو¿س یش راج فلمز کی نئی پیشکش ” سوئی دھاگہ“ کی پاکستانی سنیماو¿ں میں نمائش کے حقوق معروف ادارے ڈسٹر ی بیوشن کلب نے حاصل کرکے فلم کی تشہیری مہم کا باقاعدہ آغاز کردیا ہے۔ پروڈیوسر ادیتیہ چوپڑا، منیش شرما اور ڈائریکٹر شرت کتاریا کی زیر ہدایت بنی فلم چھوٹے شہر میں رہنے والے ایک ایسے نوجوان جوڑے کی زندگی کا احاطہ کرتی ہے جو دوسروں کی ملازمت کی بجائے اپنے فن اور ہنر کی طاقت پر یقین کرتے ہیں اور دن رات کی محنت سے فیشن اینڈ کلاتھنگ برانڈ کا ذاتی کاروبار شروع کرکے دوسروں کیلئے مثال بن کر سامنے آتے ہیں۔
فلم میں ورون دھون نے درزی اور انوشکا شرما نے کڑھائی کرنے والی خاتون کا کردار ادا کیا ہے۔دونوں فنکاروں نے سلائی کڑھائی کی باقاعدہ تربیت حاصل کرنے کے بعد فلم کی عکسبندی کا آغاز کیا تھا۔حقیقی واقعات سے متاثراس فلم کی عکسبندی مدھیاپردیش، بھوپال اور دہلی سمیت دیگر ریاستوں میں کی گئی ہے جبکہ سلائی کڑھائی ے پیشے سے وابستہ ہنر مندوں کی کاروباری و سماجی مشکلات کا احسن انداز میں احاطہ کیا گیا ہے۔ معروف موسیقار انو ملک کے کمپوز کردہ فلم کے گیت رفتہ رفتہ مقبولیت حاصل کر رہے ہیں۔
