بنی گالہ تجاوزات کا پہلا ایکشن وزیر اعظم سے شروع ہو گا :چیف جسٹس

اسلام آباد(ویب ڈیسک)چیف جسٹس پاکستان جسٹس ثاقب نثار نے بنی گالہ تجاوزات کیس میں ریمارکس دیئے کہ بنی گالہ میں عمران خان نے تعمیرات کسی منظوری کے بغیر کی ہیں۔سپریم کورٹ میں جسٹس ثاقب نثار کی سربراہی میں 3 رکنی بینچ نے بنی گالہ تجاوزات اور ماحولیاتی ا?لودگی سے متعلق کیس کی سماعت کی جس سلسسلے میں وزیراعظم عمران خان کے وکیل بابر اعوان عدالت میں پیش ہوئے اور مو¿قف اپنایا کہ عمران خان کو سی ڈی اے کی جانب سے نوٹس مل چکا ہے اور 15 دن کے اندر ہم اپنا جواب جمع کروا دیں گے۔اس پر چیف جسٹس نے ریمارکس دیئے کہ آپ کیا جواب جمع کروائیں گے وہ ہی مبہم سا نقشہ جمع کروائیں گے۔انہوں نے کہا کہ آپ کی ملکیت تو بالکل ٹھیک ہے لیکن کسی ادارے سے ا?پ کا نقشہ منظور نہیں ہوا، عمران خان نے تعمیرات کسی منظوری کے بغیر کی ہیں۔دوران سماعت چیف جسٹس پاکستان نے راول ڈیم میں رہائشی علاقوں کا فضلہ شامل ہونے پر ایک ہفتے میں رپورٹ طلب کرلی اور ریمارکس دیئے کہ پانی میں فضلہ شامل ہونے سے لوگوں میں بڑی خطرناک بیماریاں پھیل رہی ہیں۔انہوں نے استفسار کیا کہ سابقہ حکومت نے جو 4 ٹریٹمنٹ پلانٹ کا منصوبہ بنایا تھا اس کا کیا ہوا؟جسٹس ثاقب نثار نے کہا کہ اگریہ 4 ٹریٹمنٹ پلانٹ نہیں لگے تو موجودہ حکومت اس کو مکمل کرے۔انہوں نے بابر اعوان کو مخاطب کرتے ہوئے کہا کہ ہم نے پہلے بھی ا?پ کو کہا تھا کہ ا?پ اقتدار میں ہیں ا?پ کی ذمہ داری بنتی ہے۔