لاہور(نیوزایجنسیاں)پاکستان ہاکی فیڈریشن نے رواں ماہ ہونے والی ایشین ہاکی چیمپیئنز ٹرافی کے لیے 18 رکنی قومی ٹیم اعلان کردیا ہے جس میں رضوان سینیئر ٹیم کی قیادت کریں گے جبکہ عماد شکیل بٹ ان کے نائب ہوں گے۔ایشین چیمپیئنز ٹرافی کا انعقاد رواں 18 سے 28اکتوبر تک عمان میں ہو گا جس کے لیے پاکستان کے 18رکنی اسکواڈ کا اعلان کردیا ہے۔اومان کے شہر مسقط میں شیڈول ایونٹ میں قومی ٹیم کی قیادت رضوان سینئر کریں گے جبکہ نائب کپتان کی ذمے داریاں عماد شکیل بٹ نبھائیں گے۔اعلان کردہ 18رکنی اسکواڈ میں عمران بٹ، مظہر عباس، عرفان سینئر، علیم بلال، مبشر علی، عماد شکیل بٹ، تصور عباس، توثیق ارشد، عرفان جونیئر، رضوان جونیئر، عمر بھٹہ، ارسلان قادر، علی شان، عرفان سینئر، اعجاز احمد، عتیق ارشد، فیصل قادر، ابو بکر محمود اور محمد زبیر شامل ہیں۔18رکنی اسکواڈ کے اعلان کے ساتھ ساتھ 7 کھلاڑیوں کو اسٹینڈ بائی کے طور پر بھی رکھا گیا ہے تاکہ کسی کھلاڑی کی انجری یا ایمرجنسی کی صورت میں اسے عمان بھیجا جا سکے۔پاکستان کی ٹیم ایشین چیمپیئنز ٹرافی میں اپنا پہلا میچ 19 اکتوبر کو جنوبی کوریا کے خلاف کھیلے گی جبکہ قومی ٹیم کا روایتی حریف بھارت سے مقابلہ 20 اکتوبر کو ہو گا۔
Pakistani hockey player Muhammad Rizwan during a photo shot in Lahore on February 21, 2010. The 12-nation World Cup, held every four years, opens in New Delhi with a high-voltage India-Pakistan clash on February 28 and runs until March 13. Pakistan's team has been cleared to play by the government and it will depart on February 22. AFP PHOTO/Arif ALI (Photo credit should read Arif Ali/AFP/Getty Images)
