پہلا ٹی ٹوئنٹی: پاکستان نے آسٹریلیا کو چاروں شانے چت کر دیا

ابوظہبی(ویب ڈیسک) ٹی ٹوئنٹی سیریز کے پہلے میچ میں پاکستان نے آسٹریلیا کو با آسانی شکست دیدی۔ابوظہبی کے شیخ زید اسٹیڈیم میں کھیلے جارہے میچ میں 156 رنز کے ہدف کے تعاقب میں آسٹریلوی ٹیم اننگز کے آغاز سے ہی دباﺅ کا شکار رہی اور پہلے ہی اوور میں عماد وسیم نے 2 کھلاڑیوں کو پویلین کی راہ دکھائی۔اس کے بعد فہم اشرف نے چوتھے اوور میں 2 آسٹریلوی بلے بازوں کو آﺅٹ کیا جب کہ پانچویں اوور میں 22 کے مجوعی اسکور پر عماد وسیم نے الیکس کیری کو کیچ آﺅٹ کرکے آدھی ٹیم کو پویلین کی راہ دکھائی۔ اس سے قبل پاکستان کی جانب سے فخر زمان اور بابر اعظم نے اننگز کا آغاز کیا لیکن 32 کے مجوعی رنز پر فخرزمان اپنی وکٹ گنوا بیٹھے اور اسٹین لیک کی گیند پر 14 رنز بناکر آﺅٹ ہوئے۔فخر زمان کے آﺅٹ ہونے کے بعد محمد حفیظ اور بابر اعظم کے درمیان 73 رنز کی پارٹنر شب ہوئی تاہم 105 کے مجموعی اسکور پر محمد حفیظ 39 رنز بناکر آﺅٹ ہوئے۔105 رنز پر دوسری وکٹ گرنے کے بعد 6 کھلاڑی صرف 28 رنز کا اضافہ کرسکے، حسین طلعت 9، آصف علی 2 اور شاداب خان ایک رنز جب کہ فہیم اشرف، کپتان سرفراز احمد اور عماد وسیم بغیر کوئی رنز بنائے آﺅٹ ہوئے۔نویں وکٹ کی شراکت میں بابر اعظم اور حسن علی نے جارحانہ کھیل پیش کیا اور حسن علی نے ایک چھکے اور 2 چوکوں کی مدد سے 17 رنز بناکر ناٹ آﺅٹ رہے۔بابر اعظم کی 68 رنز کی اننگز کی بدولت پاکستان نے آسٹریلوی ٹیم کو 156 رنز کا ہدف دیا۔آسٹریلیا کی جانب سے اسٹین لیک اور ٹائی نے تین تین کھلاڑیوں کو آﺅٹ کیا۔اس سے قبل آسٹریلیا نے پاکستان کے خلاف پہلے ٹی 20 میں ٹاس جیت کر فیلڈنگ کا فیصلہ کیا۔حالیہ دورے میں میزبان پاکستان نے آسٹریلیا کو 2 ٹیسٹ میچز کی سیریز میں ایک صفر سے شکست دی جس کے بعد اب دونوں ٹیموں کے درمیان 3 ٹی ٹوئنٹی میچز کی سیریز کھیلی جائے گی۔ٹی ٹوئنٹی سیریز کا دوسرا میچ 26 اکتوبر اور آخری ٹی ٹوئنٹی 28 اکتوبر کو دبئی میں ہوگا۔