دبئی(آئی این پی) پاکستان اور آسٹریلیا کے مابین3ٹی ٹوئنٹی میچوں کی سیریزکا دوسرا میچ (آج)جمعہ کو انٹرنیشنل کر کٹ سٹیڈیم دبئی میں کھیلا جائیگا۔ پاکستان کو سیریز میں 1-0کی برتری حاصل ہے، میچ پاکستانی وقت کے مطابق رات 9بجے شروع ہوگا۔دوسرے ٹی ٹوئنٹی کیلئے دونوں ٹیمیں دبئی پہنچ چکی ہیں۔آسٹریلیا کیخلاف دوسرا ٹی ٹوئنٹی جیت کر پاکستان کے پاس لگاتار 10سیریز جیتنے کا ورلڈ ریکارڈ قائم کرنے کا موقع ہے۔پاکستان کی جانب سے دوسرے میچ میں ایک تبدیلی کا امکان ہے آصف علی کی جگہ تجربہ کار آل راﺅنڈر شعیب ملک کو شامل کئے جانے کا امکان ہے۔قومی ٹیم کے کپتان سرفراز احمد کا کہنا ہے کہ دوسرا ٹی ٹوئنٹی جیت کر سیریز اپنے نام کریں گے۔تفصیلات کے مطابق پاکستان اورآسٹریلیا کے مابین 3 ٹی توئنٹی میچوں کی سیریز کا دوسرا میچ (آج)جمعہ کودبئی انٹرنیشنل کر کٹ سٹیڈیم میں کھیلا جائے گا ۔دونوں ٹیموں کے مابین سیریز کا تیسرا اور آخری ٹی ٹوئنٹی28اکتوبر کو دبئی انٹرنیشنل کر کٹ سٹیڈیم میں ہی کھیلا جائے گا ۔ٹیسٹ سیریز میں گرین شرٹس نے کینگروز کیخلاف1-0سے فتح حاصل کی،جس کے بعد ٹی ٹوئنٹی سیریز میں بھی پاکستان کو 1-0کی برتر ی حاصل ہے،پہلے ٹی ٹوئنٹی میچ میں پاکستان نے تباہ کن باﺅلنگ کے باعث آسٹریلیا کو66رنز سے شکست دی تھی ۔ دوسری جانب پاکستان کی جانب سے پہلے میچ میں ایک تبدیلی کا امکان ہے آصف علی کی جگہ تجربہ کار آل راﺅنڈر شعیب ملک کو شامل کئے جانے کا امکان ہے۔شعیب ملک نے قومی ٹیم کو جوائن کر لیا ہے۔آسٹریلیا کے خلاف دوسرے ٹی 20 میں بھی پاکستانی اننگز کا آغاز فخر زمان اور بابر اعظم ہی کریں گے۔ دوسری جانب دونوں ٹیموں میں ابتک کھیلے گئے مختصر فارمیٹ کے18میچوں میں گرین شرٹس کو برتری حاصل ہے پاکستان نے10اور آسٹریلیا نے7میچوں میں فتح حاصل کی جبکہ ایک میچ ٹائی ہوا۔اسی طرح متحدہ عرب امارات میں پاکستان اور آسٹریلیا کے مابین میچوں میں بھی پاکستان کو برتری حاصل ہے۔ابتک دونوں ٹیموں کے مابین دبئی میں6ٹی ٹوئنٹی میچز کھیلے جا چکے ہیں جس میں سے 3پاکستان اور2ہی آسٹریلیا نے جیتے ہیں جبکہ ایک میچ ٹائی ہوا۔ آسٹریلیا کیخلاف دوسرا ٹی ٹوئنٹی جیت کر پاکستان کے پاس لگاتار 10سیریز جیتنے کا ورلڈ ریکارڈ قائم کرنے کا موقع ہے۔اعداد و شمار پر نظر ڈالی جائے تو پاکستان نے آئی سی سی ورلڈ ٹی ٹوینٹی 2016 کے بعد سے مسلسل 9ٹی ٹوینٹی سیریز جیت رکھی ہیں اور قومی ٹیم سرفراز احمد کی قیادت میں کوئی ٹی ٹوینٹی سیریز نہیں ہاری ہے۔اگر پاکستان اس سیریز میں کامیابی سمیٹ لے تو مسلسل 10ٹی ٹوینٹی سیریز جیت سکتا ہے۔
سر فراز کی نظریں سیریز جیتنے پر مرکوز ،آسٹریلیا سے دوسرا ٹی 20آج
