نواز کا بچنا مشکل ،العزیزیہ ریفرنس میں سابق وزیراعظم نے اقبالی بیان دیدیا اعتزاز احسن کے تہلکہ خیز انکشافات

لاہور(اےن اےن آئی) پاکستان پےپلزپارٹی کے مرکزی رہنما اعتزاز احسن نے کہا ہے کہ نواز شریف نے قومی اسمبلی میں اقبالی بیان دیا اور اب ان کے وکلاءآرٹیکل 66پر انحصار کر رہے ہیں ، نواز شریف کے بیانات کے بعد ان کا بچنا مشکل ہو چکا ہے،حکومت کے سو روز کے پلان سے کچھ نکلنا ہے اور نہ نکل سکتا ہے ، پی ٹی آئی نے صرف بڑھکیں ماری ہوئی ہیں اور اب انہیں خفت اٹھانا پڑ رہی ہے ۔ لاہور میں میڈیا سے گفتگو کرتے ہوئے اعتزاز احسن نے کہا کہ نواز شریف کے خلاف مقدمات سیدھے سیدھے ہیں ۔ انہوں نے بطور وزیر اعظم قومی اسمبلی میں جو ریکارڈڈ بیان دیا اب اس سے منحرف ہو رہے ہیں ۔ نواز شریف کے وکلاءآرٹیکل 66پر انحصار کر رہے ہیں ۔ ان کا مقصد یہ ہے کہ اسمبلی میں جو کہا تھاکہ جھوٹ کہا تھا لیکن آرٹیکل 66انہیں تحفظ دیتا ہے ۔انہوں نے کہا کہ میں کسی کے بھی جیل جانے پر خوش نہیں ہوں لیکن نواز شریف نے جو بیان دیا ہے اس کے بعد ان کا بچنا مشکل ہے۔ انہوں نے کہا کہ پتہ نہیں نواز شریف کو کون الٹے الٹے مشورے دیتا ہے ،اسی طرح انہیں قطری خط پر بھی مشورہ دیا گیا ۔ انہوں نے حکومت کے سو روز کے پلان کے حوالے سے سوال کے جواب میں کہا کہ اس میں کچھ نکلنا ہے اور نہ نکل سکتا ہے ۔ حکومت کے پاس سینیٹ میں اکثریت نہیں اور کوئی قانون سازی نہیں کی گئی ۔ حکومت سو روز میں کیا کر سکتی ہے اور صرف بڑھکیں ماری ہوئی ہیں اور انہیں اب خفت ہو رہی ہے ۔ انہوںنے کہا کہ پی ٹی آئی نے جوسو روز کا کہا ہے ایسا صدارتی نظام میں ہوتا ہے کیونکہ صدر کو سارے انتظامی اور ایگزیکٹو اختیارات حاصل ہوتے ہیں ۔پارلیمانی نظام میں جب ایک ہاﺅس میں اکثریت نہ ہو تو ایسے ہی رسواہوتے ہیں۔تحریک انصاف کی تبدیلی کی باتوں میں کوئی حقیقت نہیں،تبدیلی لانا ان کے بس کی بات نہیں۔ انہوں نے کرتارپور راہدری کے حوالے سے کہا کہ میں پاکستان اور بھارتی حکومت اور عوام کو کرتار پور باڈر کھولنے پرمبارکباد پیش کرتا ہوں ۔ اعتزاز احسن کا کہنا ہے کہ نواز شریف کے بیان کے بعد مجھے تو لگتا ہے ان کا بچنا مشکل ہوگا۔ لاہور میں میڈیا سے بات کرتے ہوئے پیپلز پارٹی کے رہنما اعتزاز احسن نے کہا میں کسی کے بھی جیل جانے پر خوش نہیں ہوں، نواز شریف کے بیانات کے بعد مجھے تولگتا ہے ان کا بچنا مشکل ہوچکاہے پتہ نہیں کون نواز شریف کا مشیر ہے جو ان کو الٹے الٹے مشورے دے رہا ہے، پہلے انہوں نے تقریر میں اپنے ذرائع آمدن بتائے اور اب ان سے راہ فرار اختیار کررہے ہیں۔پیپلز پارٹی کے رہنما نے وزیر اعظم عمران خان کی حکومت کے پہلے سو دن کے پلان سے متعلق کہا عمران خان کا سو دن کا منصوبہ صرف شور شرابہ تھا، یہ منصوبے وہاں بنائے جاتے ہیں جہاں صدارتی نظام لاگو ہوتا ہے، تبدیلی کی باتوں میں کوئی حقیقت نہیں، تبدیلی لانا ان کے بس کی بات نہیں۔اعتزاز احسن نے کرتارپور راہداری کھلنے پر مبارکباد دیتے ہوئے کہا میں دونوں حکومتوں اور عوام کو کرتار پور سرحد کھولنے پر مبارک باد پیش کرتا ہوں۔