ٹیسٹ اننگز میں زیادہ چھکوں کا کرس گیل کا ریکارڈ برابر

ڈھاکہ (اے پی پی) شمرون ہٹمائر نے ویسٹ انڈیز کی طرف سے ٹیسٹ اننگز میں زیادہ چھکوں کا ہم وطن بلے باز کرس گیل کا ریکارڈ برابر کر دیا، اسطرح وہ ملکی ریکارڈ میں گیل کے ہم پلہ ہو گئے ہیں، ہٹمائر نے اننگز میں 9 چھکے لگا کر گیل کا ریکارڈ برابر کیا ہے، ہٹمائر 93 رنز بنا کر آﺅٹ ہوئے تھے۔، گیل نے 2010ءمیں سری لنکا کے خلاف گال ٹیسٹ کی ایک اننگز میں 9 چھکے لگا کر ملکی ریکارڈ پر قبضہ جمایا تھا، انہوں نے 333 رنز کی اننگز کھیلی تھی۔ ٹیسٹ کرکٹ کی تاریخ میں ایک اننگز میں زیادہ چھکے لگانے کا عالمی اعزاز سابق پاکستانی آل راﺅنڈر وسیم اکرم کو حاصل ہے جنہوں نے 1996ءمیں زمبابوے کے خلاف میچ کی ایک اننگز میں 12 چھکے لگا کر تاریخ رقم کی تھی اور 22 برس مکمل ہونے کے باوجود ان کا ریکارڈ قائم ہے۔