پاکستان فٹ بال فیڈریشن کی نو منتخب باڈی نا منظور

لاہور(سپورٹس رپورٹر) ایشین فٹبال کنفیڈریشن نے پاکستان فٹبال فیڈریشن کی نومنتخب باڈی کو ماننے سے انکارکر دیا۔ پاکستان اور فلپائن کے درمیان دو طرفہ فٹبال سیریز کے 4 میچز منسوخ کر دئیے گئے۔ایشین فٹبال کنفیڈریشن نے پاکستان فٹبال فیڈریشن کی نومنتخب باڈی کو ماننے سے صاف انکار کر دیا۔ میڈیا رپورٹس کے مطابق پی ایف ایف کی نئی باڈی نے ایشین فٹبال کنفیڈریشن سے ملنے کی خواہش کا اظہار کیا تھا تاہم انہوں نے انکار کر دیا ہے جس کے بعد پاکستان اور فلپائن کے درمیان دو طرفہ فٹبال سریز کے 4 میچز منسوخ کر دئیے گئے۔شیڈول کے مطابق رواں ماہ پاکستان نے فلپائن میں 2 میچز کھیلنے تھے جبکہ دو کی میزبانی پاکستان کو کرنی تھی۔ دوسری جانب رواں ماہ قومی خواتین فٹبال ٹیم کا دورہ یو اے ای بھی منسوخ ہوگیا۔ قومی خواتین ٹیم نے 6 روزہ دورے میں 3 پریکٹس میچ بھی کھیلنے تھے۔واضح رہے کہسپریم کورٹ کے احکامات پر بارہ دسمبر کو فٹبال فیڈریشن کے انتخابات کرائے گئے تھے۔ ماضی میں کئی بار پاکستان فٹبال فیڈریشن تنازعات کا شکار رہی۔یاد رہے کہ پی ایف ایف میں مسلسل سیاسی مداخلت اور کئی برسوں سے جاری فٹ بال کے بحران کے باعث فٹبال کی عالمی تنظیم نے سال 2017 میں پاکستان کی رکنیت معطل کر دی تھی، بعد ازاں پابندی ختم کردی گئی۔