میڈیا کنونشن میں چیف ایڈیٹر خبریں ضیا شاہد کو 50 سالہ خدمات پر لائف ٹائم اچیومنٹ ایوارڈ سے نوازا گیا‘ ایوارڈ امتنان شاہد نے صدر مملکت سے وصول کیا

اسلام آباد (نامہ نگار خصوصی، خبر نگار خصوصی) کونسل آف نیوز پیپر ایڈیٹرز (سی پی این ای) کے زیر اہتمام ”میڈیا اور جمہوریت“ کے عنوان سے ملک گیر پاکستان میڈیا کنونشن 2019کے موقع پر صحافت کے شعبہ میں طویل خدمات سر انجام دینے والے سینئر صحافیوں اور مدیران کو لائف ٹائم اچیومنٹ ایوارڈ دئیے گئے چیف ایڈیٹر روزنامہ خبریں ضیاءشاہد کی نصف صدی سے زائد صحافتی خدمات کے اعتراف میں انہیں لائف ٹائم اچیومنٹ ایوارڈ سے نوازا گیا ان کا ایوارڈ سی پی این ای کے سینئر نائب صدر اور ایڈیٹر خبریں گروپ و سی ای ا و چینل فائیو امتنان شاہد نے صدر مملکت ڈاکٹر عارف علوی سے وصول کیا، چیف ایڈیٹر روزنامہ خبریں ضیاءشاہد طبعیت کی ناسازی کی وجہ سے اس کنونشن میں شرکت نہ کرسکے جن دیگر شخصیات کو لائف ٹائم اچیومنٹ ایوارڈ سے نوازا گیا ان میں محمود العزیز بھی شامل ہیں جن کا ایوارڈ ان کی اہلیہ نے وصول کیا جبکہ یوسف شاہین، حافظ ثناءاللہ، انوار ساہی، اجمل دہلوی، ضیاءالدین کو ایوارڈ سے نوازا گیا ضیاءالدین کا ایوارڈ کاظم خان اور اجمل دہلوی کا ایوارڈ حامدخان نے وصول کیا۔