گگومنڈی(نامہ نگار)بدبخت شرابی بیٹے کاضعیف العمرباپ پروحشیانہ تشدد۔199۔ای بی کے اوباش سردارنے اپنے باپ 90سالہ باپ محمدصدیق کومارپیٹ کرگھرسے نکال دیا۔ باپ کی زرعی زمین پرقبضہ کرکے زیرتعمیرمسجدپرہل چلادئیے۔ درخواست دینے کے باوجودپولیس نے تاحال شرابی بیٹے کے خلاف کوئی کاروائی نہیں کی ہے۔متاثرہ محمد صدیق امدادکیلئے خبریں آفس پہنچ گیا۔تفصیلات کے مطابق گزشتہ روزنواحی گاﺅں199۔ای بی کے رہائشی90سالہ محمدصدیق رحمانی نے خبریں کوبتایاکہ دیہہ ہذامیں میری 9ایکڑزرعی زمین ہے۔میں نے اپنی زمین پرہی ایک مسجدکی تعمیرشروع کی ہوئی ہے ۔سردارنے چندروزقبل ٹریکٹرچلاکر مسجدکو مسمارکردیا میرے منع کرنے پرمیرے بیٹے سردار جوہر وقت شراب کے نشہ میں دھت رہتاہے نے مجھے وحشیانہ تشددکانشانہ بنایا۔میرا بدبخت بیٹا متعدد بارپسٹل لے کرمجھے قتل کرنے کی کوشش کرچکاہے۔شراب کانشہ پوراکرنے کیلئے زمین سے درخت بھی چوری کاٹ کرلے گیاہے۔ضعیف العمرمحمد صدیق نے روتے ہوئے بتایاکہ میرے اپنے بیٹے نے مجھے مارمارکرگھرسے نکال دیاہے۔میں نے تھانہ گگومنڈی پولیس کواپنے اوپرہونے والے ظلم کی درخواست دی تھی لیکن دس روزگزرنے کے باوجودپولیس نے تاحال میری دادرسی نہیں کی ہے۔متاثرہ محمدصدیق نے خبریں کے توسط سے ڈی پی او وہاڑی اورایس ڈی پی اوبوریوالاسے فوری انصاف دلائے جانے کی اپیل کی ہے۔
