شیر میانداد کا گھریلو ملازمہ پر تشدد

لاہور (خصوصی رپورٹ) گھریلو ملازمین پر تشدد کا ایک اور واقعہ‘ پولےس نے معروف قوال شیر میانداد‘ اس کی بیوی اور بیٹی کے خلاف گھریلو ملازمہ پر تشدد کا مقدمہ درج کرلےا۔ بتاےاگےا ہے کہ معروف قوال شیر میانداد، اس کی بیوی نائلہ اور بیٹی ایمل نے 12 سالہ ملازمہ عارفہ کو بدترین تشدد کا نشانہ بنایا۔ ملازمہ عارفہ کی والدہ شمیم اختر نے تھانہ سبزہ زار میں اےف آئی آر درج کروا دی جس مےں کہا گےا کہ چار ماہ قبل بیٹی کو ماہانہ 6000 پر شیر میانداد کے گھر رکھوایا۔ میری بیٹی کے بال کاٹ کر برہنہ ویڈیو بنا کر دھمکیاں دی گئیں۔ دو ماہ سے اپنی بیٹی سے ملاقات نہیں کروائی گئی۔ پولےس نے مقدمہ کے اندراج کے بعد تفتیش شروع کردی ہے۔ دوسری جانب معروف قوال شیر میانداد نے کہا ہے کہ نہ کسی کے گھر پر قبضہ کیا اور نہ ہی کسی پر تشدد کیا ہے۔ کچھ لوگ میری شہرت سے خائف ہیں جنہوں نے جھوٹا پرچہ درج کروایا ہے۔ شیر میانداد قوال نے اپنے ویڈیو پیغام میں کہا ہے کہ میڈیا سے پتہ چلا کہ میرے خلاف مقدمہ درج کیا گیا ہے‘ پراپیگنڈا سے کوئی کسی کو گرا نہیں سکتا۔ شیر میانداد نے کہا کہ وہ دن ان کی زندگی کا آخری دن ہو گا جب کسی حوا کی بیٹی پر ہاتھ اٹھاﺅں گا۔ شیر میانداد نے وزیراعظم‘ چیف جسٹس‘ وزیراعلیٰ پنجاب‘ آئی جی پنجاب سے اپیل کی ہے کہ وہ اس بے بنیاد پراپیگنڈا کا نوٹس لیں تاکہ کوئی بھی آئندہ سے کسی آرٹسٹ کے خلاف جھوٹے الزامات پر مبنی ایف آئی آر درج نہ کروا سکے۔