بھارتی ٹیم کی ورلڈ کپ جرسیاں پاکستان میں تیار ہونیکا انکشاف

لندن(نیٹ نیوز)بھارت اور پاکستان کے مابین کرکٹ رابطے گزشتہ 11سال سے مشکلات کا شکار ہیں اور مودی سرکار کے آنے کے بعد سے بھارتی کرکٹ بورڈ اپنی حکومت کے دباو¿ میں آکر پاکستان کیساتھ مکمل سیریز کھیلنے سے گریز کررہاہے، جبکہ فروری میں مقبوضہ کشمیر میں پلوامہ میں بھارتی سکیورٹی فورسز پر ہونےوالے حملے کے بعد انتہا پسند بھارتی جماعت بی جے پی کی جانب سے آئی سی سی ورلڈ کپ میں پاکستان کا بائیکاٹ کرنےکا مطالبہ بھی سامنے آیاتھا جسے سابق بھارتی کرکٹر گوتم گمبھیر کی حمایت بھی حاصل ہوئی لیکن عظیم بھارتی کرکٹر سنیل گواسکر نے اس کی سخت مخالفت کی، عمومی طور پر جب بھی پاکستان اور بھارت کا میچ ہوتا ہے تو دونوں ممالک کی عوام کا رویہ اپنے سیاستدانوں کے برعکس ایک دوسرے سے انتہائی اچھا ہوتا ہے اور کئی مواقع پر تو یہ بھی دیکھا گیا ہے کہ بھارتی کرکٹ شائقین پاکستان اور پاکستانی شائقین بھارتی ٹیم کو سپورٹ کررہے ہوتے ہیں، پاکستانی ٹیم تو گذشتہ 7سال سے بھارت کیخلاف اسکے ہوم گراو¿نڈ پر میچز نہیں کھیل سکی تاہم بھارتی ٹیم کے شائقین اب پاکستان میں بننے والی جرسیاں پہن رہے ہیں، حال ہی میں سوشل میڈیا پر ایک تصویر سامنے آئی ہے جس میں ایک بھارتی کرکٹ شائق نے اپنی ٹیم کی ورلڈ کپ جرسی خریدی تو اس پر انکشاف ہوا کہ بھارتی ٹیم کی جرسیاں اب پاکستان میں تیار ہورہی ہیں جس پر اس نے حیرت کا اظہار کیا۔