کورونا وائرس کےخلاف جنگ میں میجر جنرل آصف غفور بھی میدان میں آ گئے

اوکاڑہ (ویب ڈیسک) جی او سی اوکاڑہ اور پاک فوج کے سابق ترجمان میجر جنرل آصف غفور بھی کورونا وائرس سے نمٹنے کے لیے میدان میں آ گئے ہیں۔بتایا گیا ہے کہ جی او سی اوکاڑہ میجر جنرل آصف غفور کی ساہیوال آمد ہوئی ہے۔انہوں نے سول اسپتال اور عبدالقیوم ہسپتال کا دورہ کیا اور کورونا کے حوالے سے کئے جانے والے اقدامات کا معائنہ بھی کیا۔ اس حوالے سے ان کی سوشل میڈیا پر تصویر بھی وائرل ہو رہی ہیں،جن کے متعلق بتایا گیا ہے کہ میجر جنرل آصف غفور نے ڈی ایچ کیو ساہیوال کا دورہ کیا۔انہوں نے کورونا کے آئیسولیشن وارڈ کا دورہ کیا۔چونکہ میجر جنرل آصف غففور لوگوں میں گہری مقبولیت رکھتے ہیں لہذا اس مشکل وقت میں ان کے منظر عام پر آ کر کام کرنے کو خوب سراہا جا رہا ہے۔