نیویارک، لندن، میڈرڈ، پیرس (صباح نیوز) دنیا بھر میں کورونا سے ہلاکتیں 1 لاکھ 34 ہزار 616 ہو گئیں۔ غیرملکی خبررساں ادارے کے مطابق کورونا
وائرس نے دنیا بھر میں تباہی مچاد ی ، امریکا میں کورونا سے مرنے والوں کی تعداد 30 ہزار 206 ہو گئی، 6 لاکھ 44 ہزار 89 امریکی شہری عالمی وبا کی زد میں آ چکے ہیں،صرف ر یاست نیویارک میں 2 لاکھ سے زائد افراد کورونا وائرس میں مبتلا ہو چکے ہیں۔چوبیس گھنٹے کے دوران فرانس میں ایک ہزار چار سو اڑتیس افراد لقمہ اجل بن گئے، برطانیہ میں سات سو اکسٹھ، اٹلی میں پانچ سو اٹھہتر اور اسپین میں پانچ سو ستاون ہلاکتیں ہوئی ہیں، اب تک 51 ہزار صحت یاب ہوئے ہیں۔دنیا بھر میں کورونا سے تباہی، فرانس میں ہلاکت خیز دن رہا جب 1438 افراد ایک ہی روز ہلاک ہو گئے۔ اٹلی میں اب تک 21 ہزار 645 افراد ہلاک ہو چکے ہیں۔ اسپین میں 18ہزار 812 افراد لقمہ اجل بن گئے۔ برطانیہ میں کورونا سے مزید 761 افراد ہلاک ہوئے ہیں۔ برطانیہ میں حکومت پر الزام عائد کیا جا رہا ہے کہ وہ کورونا کی وبا سے ہونے والی تمام ہلاکتوں کو شمار نہیں کر رہی۔برطانوی حکومت نے کورونا کے باعث ہونے والی ہلاکتوں کے سرکاری اعداد و شمار میں صرف ان اموات کو شامل کیا ہے جو ہسپتالوں میں ہوئی ہیں جبکہ کیئر ہومز میں مرنے والوں کو اس میں گنا نہیں جا رہا۔جرمنی میں کورونا سے اب تک 3804، ترکی میں 1518، بیلجیم میں 4440، برازیل میں 1757 افراد ہلاک ہوئے ہیں۔ دنیا بھر میں کورونا سے اب تک 51 ہزار سے زائد افراد صحتیاب ہو چکے ہیں۔ امریکہ میں کرونا سے مزید 2482 افراد ہلاک ہو گئے، کرونا سے مرنے والوں کی تعداد 30 ہزار 206 ہو گئی، 6 لاکھ 44 ہزار 89 امریکی شہری عالمی وبا کی زد میں آ چکے ہیں، صدر ڈونلڈ ٹرمپ نے کہا ہے کہ ملک میں کرونا کا بدترین دور گزر گیا۔ایران کی پالیمنٹ نے بتایا ہے کہ ملک میں کرونا کے متاثرہ افراد کی اصل تعداد سرکاری اعداد شمار سے کہیں زیادہ ہے۔میڈیارپورٹس کے مطابق ایرانی پارلیمنٹ کے اسٹڈی سینٹر کی طرف سے جاری ایک بیان میں کہا گیا کہ اب تک ایران میں کرونا وائرس سے 8600 افراد ہلاک اور متاثرہ افراد کی تعداد چھ لاکھ سے ساڑھے سات لاکھ افراد کے درمیان ہے۔رپورٹ میں بتایا تھا کہ اگر ایران میں کرونا کی وبا اسی شدت کے ساتھ جاری رہی اور حکومت کی طرف اس کی روک تھام کے لیے مداخلت نہیں کی گئی تو ایران کی 8 کروڑ تیس لاکھ کی آبادی میں چھ کروڑ افراد کرونا کا شکار ہوسکتے ہیں۔
دنیا بھر میں ایک لاکھ40ہزارہلاکتیں،16لاکھ 50ہزار متاثر،امریکہ میں ایک دن میں2482افراد ہلاک
