خبریں ہر مشکل گھڑی میں قوم کا ساتھ دیتا ہے،قمر زمان کائرہ

لاہور (لیڈی رپورٹر) عدنان شاہد فاﺅنڈیشن کے زیراہتمام خبریں و چینل ۵ کے رضاکاروں کی جانب سے لاہور میں 12 ویں روز بھی دیہاڑی دار اور مزدور طبقہ میں مختلف مقامات پر مفت کھانا تقسیم کیا گیا۔ پیپلزپارٹی کے سینئر رہنما قمرزمان کائرہ نے کہا کہ میں خبریں گروپ کے چیف ایڈیٹر ضیاشاہد اور ایڈیٹر خبریں امتنان شاہد صاحب کا شکریہ ادا کرتا ہوں اور ان کو مبارکباد پیش کرتا ہوں کہ وہ ہر مشکل گھڑی میں قوم کا ساتھ دیتے ہیں۔ وہ اپنی صحافتی ذمہ داریاں بھی بڑے احسن طریقے سے انجام دے رہے ہیں اور اس ویلفیئر کے کام میں بھی لوگوں کا ساتھ دے رہے ہیں۔ باقی سب لوگوں کو بھی ان کے نقش قدم پر چلنا چاہئے۔تحریک انصاف کے مرکزی رہنما عون چودھری نے کہا کہ میں سمجھتا ہوں کہ ایڈیٹر خبریں امتنان شاہد نے خبریں رضاکار ٹیم بنا کر بہت زبردست کام کیا ہے۔ جو لائق تحسین ہے۔ میں بہت مبارکباد پیش کرتا ہوں کہ وہ اس مشکل کی گھڑی میں غریب لوگوں کا سہارا بنے ہوئے ہیں۔اداکار عثمان پیرزادہ نے کہا کہ خبریں ہر مشکل وقت میں عوام کے ساتھ کھڑا ہوتا ہے اور اس مشکل حالات میں بھی خبریں اپنا کردار بخوبی انجام دے رہا ہے۔ کرکٹر محمد عرفان نے کہا کہ خبریں رضاکار ٹیم زندہ باد ۔ امتنان شاہد کے کام کو بہت سراہتا ہوں اور خبریں اور چینل۵ زندہ باد۔ اداکار اور اینکر پرسن صائم علی شاہ نے بھی خبریں رضاکار ٹیم کو خراج تحسین پیش کیا۔ ان کا کہنا تھا کہ اس موقع پر ایسا کام کرنا بہت مشکل ہے لیکن خبریں اس کو بخوبی انجام دے رہا ہے جو مبارکباد کے مستحق ہیں۔ ڈاکٹر عروبہ طارق نے خبریں کو خراج تحسین پیش کرتے ہوئے کہا کہ اس مشکل میں ہم ڈاکٹر تو ڈیوٹی انجام دے رہے ہیں مگر خبریں نے صحافتی اقدام کے حوالے سے خبریں رضاکار ٹیم بنا کر ایک احسن کام کیا ہے جو لائق تحسین ہے۔