کراچی(این این آئی)پاکستان کی معاشی شرح نمو منفی 0.5 فی صد رہنے کی توقع ہے، عالمی ریٹنگ ایجنسی کے مطابق لاک ڈاﺅن کے باعث معاشی کھپت میں کمی ہو گی، کورونا وائرس کی وجہ سے پاکستان کی مالی ضروریات میں اضافہ ہو گا۔عالمی ریٹنگ ایجنسی موڈیز نے پاکستانی معیشت پر تبصرہ کرتے ہوئے کہا ہے کہ معاشی استحکام کے لیے پاکستان 1200 ارب روپے کا پیکج دے رہا ہے، معاشی پیکج کے باعث مالیاتی خسارہ 9.5 سے 10 فی صد رہنے کا امکان ہے۔ لاک ڈاﺅن کے باعث معاشی کھپت میں کمی ہو گی۔ آنے والے سالوں میں پاکستانی معیشت میں بتدریج بہتری دیکھی جائے گی۔
