تازہ تر ین

گلگت بلتستان کے انتخابات شفاف ہیں، شبلی فراز

وفاقی وزیر برائے اطلاعات شبلی فراز نے کہا ہے کہ گلگت بلتستان کے انتخابات شفاف ہیں لیکن اگر کسی کے پاس دھاندلی کے ثبوت ہیں تو الیکشن کمیشن سے رابطہ کریں۔

تفصیلات کے مطابق وفاقی وزراء کی پریس کانفرنس کے دوران شبلی فراز نے کہا ہے کہ پی ڈی ایم میں کوئی جمہوری سوچ نہیں ہے۔

شبلی فراز نے کہا ہے کہ نواز شریف کی والدہ کا انتقال ہوا وزیر اعظم سمیت کابینہ اراکین نے تعزیتی پیغام بھیجے، شہباز شریف کو پے رول پر رہا کیا جا رہا ہے اس خبر کی تصدیق کچھ دیر میں ہو جائے گی۔

ان کا کہنا تھا کہ ہم نے نواز شریف ان کے بچوں یا اسحاق ڈار کو آنے سے نہیں روکا،وہ آئیں اور تدفین میں شریک ہوں ہماری جانب سے کوئی قدغن نہیں ہوگی۔

 انہو ں نے کہا کہ کورونا کی دوسری لہر کافی خطرناک ہے، کورونا کی موجودہ لہر میں سنجیدہ ہونا پڑے گا،موجودہ حالات میں جلسے جلوس کرنے کا متحمل نہیں ہوا جاسکتا، معاشی سرگرمیوں سے تعلق نہ رکھنے والی سرگرمیوں سے پرہیز کرنا چاہیے۔

وفاقی وزیر اطلاعات و نشریات سینیٹر شبلی فراز نے کہا کہ گلگت بلتستان الیکشن میں تحریک انصاف کو کامیابی ملنے پر جی بی ہے عوام کے شکر گزار ہیں تا ہم پیپلز پارٹی گلگت میں شرپسندی کررہی ہے اس رویے کی مذمت کرتے ہیں ۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved