اسلام آباد: وفاقی حکومت نے آئی ایم ایف کی ایک اور شرط پوری کرنے کیلئے مختلف شعبوں کے ایک سو چالیس ارب کی انکم ٹیکس چھوٹ ختم کرنے کا فیصلہ کیا ہے ۔
ذرائع کے مطابق حکومت کا آئی ایم ایف کی ایک اور شرط پوری کرتے ہوئے مختلف شعبوں کی 140 ارب کی انکم ٹیکس چھوٹ ختم کرنے کا فیصلہ کرلیا ہے ۔ٹیکس چھوٹ ختم کرنے کیلئے قانون سازی میں تاخیر کے باعث آرڈینس جاری کیا جائے گا ۔
ذرائع کا کہنا ہے کہ صدارتی آرڈیننس لانے کےلئے ضابطہ کی کاروائی مکمل کرلی گئی۔ وفاقی کابینہ نے سمری سرکولیشن کے ذریعے آرڈیننس لانے کی منظوری لی ۔ایف بی آر نے تمام منافع بخش کمپنیوں کے کارپوریٹ انکم ٹیکس اصلاحات پر کام کیا ہے۔ وفاقی کابینہ انکم ٹیکس سیکنڈ ترمیمی بل 2021 کی پہلے ہی منظوری دے چکی ہے۔
