وزیراعلیٰ عثمان بزدار نے چنیوٹ میں اربوں روپے کے منصوبوں کا افتتاح اور سنگ بنیاد رکھ دیا۔ انہوں نے کہا کہ ہر ضلع کے لئے ڈویلپمنٹ پیکج لا رہے ہیں، عوامی مسائل جلد از جلد حل کریں گے۔
وزیراعلیٰ پنجاب عثمان بزدار نے میڈیا سے گفتگو کرتے ہوئے کہا کہ چنیوٹ میں 250 بستروں پر مشتمل ہسپتال بنایا جائے گا، سڑکوں کی تعمیر سے متعلق 4 منصوبے بھی شامل ہیں، چاہتے ہیں پورے پنجاب کی یکساں ترقی ہو، پنجاب کے تمام اضلاع کو ترقیاتی پیکج دے رہے ہیں، چنیوٹ اور فیصل آباد کیلئے 10 ارب کا پیکج دیا۔ ان کا کہنا تھا رمضان بازار میں 2018 کے نرخوں پر اشیا ملیں گی۔
