لاہور: پی ایس ایل 6 کے بقیہ میچز کیلئے ٹیمیں ابوظہبی روانگی کیلئے تیار ہو گئیں، بھارت اور جنوبی افریقہ کے براڈ کاسٹرز کو انٹری سے انکار پر بورڈ حکام نے متبادل آپشنز پر غور شروع کر دیا۔
لاہور اور کراچی ایئرپورٹس پر پی ایس ایل 6 کے بقیہ میچز میں شرکت کیلئے کھلاڑی پہنچ گئے ہیں، 25 ارکان کو تاحال ویزوں کا انتظار ہے۔ اس سے پہلے ایونٹ کے بقیہ میچز مشکلات میں پڑتے دکھائی دینے لگے تھے، بھارتی اور جنوبی افریقہ کے براڈکاسٹرز کو ابو ظہبی آمد پر مسائل کا سامنا کرنا پڑا جس پر پی سی بی حکام اور فرنجائز مالکان کا ہنگامی اجلاس طلب کیا گیا۔ ویڈیو لنک اجلاس میں ابو ظہبی میں منعقد ہونے والے بقیہ میچز پر بات ہوئی، انتظامی معاملات طے پائے جانے پر ایونٹ کروانے کا حتمی فیصلہ کیا گیا۔
واضح رہے کہ کورونا وائرس کے سبب پی ایس ایل ایونٹ پہلے بھی معطل کیا جاتا رہا ہے جس پر شائقین مایوسی کا شکار نظر آئے۔ تاہم پی سی بی نے فرنچائز مالکان کے ساتھ آج ہونے والے اجلاس میں بولڈ فیصلے کئے ہیں جس سے کرکٹ کی جیت اور کورونا کی ہار ہو گی۔
