وزیراعلیٰ پنجاب سردار عثمان بزدار نے عوام سے عید الاضحیٰ سادگی سے منانے اور کورونا ایس او پیز پر عمل کرنے کی اپیل کی ہے۔
تفصیلات کے مطابق وزیراعلیٰ پنجاب سردارعثمان بزدار نے اپنے ایک بیان میں کہا کہ کورونا سے محفوظ رہنے کے لئے ویکسی نیشن لگوانا بے حد ضروری ہے ،عید پر سماجی فاصلہ برقرار رکھیں۔
سردارعثمان بزدار نے کہا کہ کورونا کی چوتھی لہر سے بچاؤ کے لئے احتیاط کا دامن ہاتھ سے نہیں چھوڑنا چاہیے۔
وزیراعلیٰ پنجاب سردارعثمان بزدار نے مزید کہا کہ احتیاط کریں اور کورونا سے بچیں، اسی میں بھلائی ہے۔ عید پر ایس او پیز پر عملدرآمد سے آپ او رآپ کے پیارے کورونا سے محفوظ رہیں گے۔