اسپیکر خیبرپختونخوا کی پرویز خٹک سے ملاقات، مشتاق غنی نے ورکرز کنونشن سے متعلق تحفظات سے آگاہ کیا

پشاور: (ویب ڈیسک) اسپیکرخیبرپختونخوا اسمبلی نے وفد کے ہمراہ وفاقی وزیر پرویز خٹک سے ملاقات کی ہے۔ مشتاق غنی نے ورکرز کنونشن سے متعلق تحفظات سے آگاہ کیا۔
اس موقع پر اسپیکر مشتاق غنی نے پرویز خٹک کو گزشتہ دنوں ایبٹ آباد میں منعقد کیے گئے ورکرز کنونشن کے حوالے سے اہلیان ایبٹ آباد کے تحفظات سے آگاہ کیا۔ اس موقع پر وفاقی وزیر دفاع پرویز خٹک کا کہنا تھا کہ ان کے خلاف سوچا سمجھا پروپیگنڈا کیا گیا ہے، ہزارہ ایبٹ آباد کے لوگ تہذیب یافتہ اور پڑھے لکھے ہیں۔ اُنہوں نے ہزارہ ایبٹ آباد کے عوام سے منفی پروپیگنڈے پر کان نہ دھرنے کی اپیل کی۔