پاکستان اور افغانستان کھیل کے میدان میں مدمقابل
عربین سی ٹائٹل فائٹ کے زیر اہتمام پاکستان کے مظفر خان اور افغانستان کے احمد سمیر کل مدمقابل ہونگے۔۔
اس سلسلے میں آج دونوں باکسرز کی وزن کرنے کی تقریب اسلام آباد بیسٹ ویسٹرن ہوٹل میں منعقد کی گئی۔ دوران تقریب پاکستان کے 27 سالہ مظفر خان اور افغانستان کے 28سالہ احمد سمیر کا آمنا سامنا ہوا۔دونوں باکسرز کا جذبہ دیدنی تھا اور دونوں ہی فتح کے لئے مکمل فٹ اور پرعزم دیکھائی دئیے۔ کل کی فائٹ عربین سی ٹائٹل کی اہم ترین فائٹ ہے۔دونوں باکسر کل بروز ہفتہ22 جنوری 2022 کو لیاقت جمنازیم، اسلام آباد، پاکستان میں سپر ویلٹرویٹ کیٹگری میں آمنے سامنے ہوں گے۔ ناظرین کو باکسنگ کا ایک بہترین مقابلہ دیکھنے کو ملے گا جس میں پاکستان اور افغانستان کے باکسرز اپنی فٹنس اور مہارت کا مظاہرہ کریں گے۔
