پیپلز پارٹی کے صدر آصف علی زرداری اور امیر جماعت اسلامی سراج الحق کے درمیان طے شدہ ملاقات منسوخ ہوگئی۔
ذرائع کے مطابق آصف زرداری کی طبیعت خراب ہونے کی وجہ سے ملاقات منسوخ ہوئی، طبیعت بہتر ہونے پر ملاقات طےکی جائےگی۔
ترجمان جماعت اسلامی کے مطابق پیپلزپارٹی کےوفد نے بتایا کہ زرداری صاحب کی طبیعت ٹھیک نہیں، پیپلزپارٹی دوبارہ رابطہ کرکے ملاقات کے بارے میں بتائےگی۔
خیال رہےکہ آصف زرداری نے پانچ رکنی وفدکے ہمراہ آج شام کو سراج الحق سے ملاقات کرنی تھی، دونوں رہنماؤں کے درمیان ٹیلی فون پرگفتگو کے دوران ملاقات طے ہوئی تھی۔
