کوئٹہ کے اکثر پٹرول پمپوں پر عوام کو پوری مقدار نہ دینے کی دھوکہ بازی جاری، عوام لٹنے لگے

کوئٹہ : (ویب ڈیسک) کوئٹہ سمیت صوبے کے اکثر پٹرول پمپس کا گیج پورا نہیں، مہنگائی کے مارے لوگوں کو کم مقدار میں پٹرول دینے کی دھوکہ بازی سرعام جاری ہے، عوام دونوں ہاتھوں لٹنے لگے۔
کوئٹہ سمیت صوبے بھرمیں تقریبا 100 کے قریب مختلف کمپنیوں کے پٹرول پمپس سے لاکھوں صارفین اپنی چھوٹی بڑی گاڑیوں، موٹرسائیکل اور دیگر سواریوں میں پٹرول ڈلواتےہیں مگرانہیں شکایت ہے کہ جو پٹرول انکی سواریوں میں ڈالاجاتا ہے اس کا گیچ کم ہوتا ہے، لوگوں کا کہناہے کہ ایک جانب مہنگائی ہے اور دوسری جانب پمپس والےگیج کم کرکے لوٹ رہے ہیں۔
پمپس لگے پٹرول پیلرز پر لگے میٹر میں ٹیکنیکل طریقے سے گیج کم کیا جاتا ہے، پمپس پر کام کرنے والا عملہ پٹرول ڈالتے وقت اکثر پٹرول گن کو لاک نہیں کرتے جس سے میٹر تو چلتا ہے مگر پٹرول کی مقدار کم ہو جاتی ہے۔
محکمہ اوزان و پیمائش کے حکام کہناہے کہ ایک ماہ کے دوران کم گیج والوں کے خلاف کاروائی کرتے ہوئے 20 پمپس مالکان کو چالان کرکے ایک لاکھ 88 ہزار روپے جرمانہ وصول کیا ہے۔
عوامی حلقوں نے ضلعی انتظامیہ سے مطالبہ کیا ہے کہ کم گیج دینےوالوں کے خلاف روزانہ کی بنیاد پر کارروائی کی جائے۔