اسلام آباد: (ویب ڈیسک) سماجی رابطوں کی ویب سائٹ ’ٹوئٹر‘ پر کروڑوں صارفین کو اس وقت سخت پریشانی کا سامنا ہے کیونکہ پوری دنیا میں سروسز متاثر ہوئی ہیں۔
اس ضمن میں برطانیہ کے مؤقر اخبار ڈیلی میل کے حوالے سے بتایا ہے کہ اس وقت کروڑوں افراد پوری دنیا میں ٹوئٹر سروسز کی وجہ سے متاثر ہیں۔
اس حوالے سے ملنے والی ابتدائی رپورٹس کے مطابق پوری دنیا میں اس وقت تقریباً 56 فیصد افراد کو سخت دشواری کا سامنا ہے۔
اس ضمن میں کہا گیا ہے 37 فیصد صارفین نے کہا ہے کہ ایپلی کیشن میں خرابی کا سامنا ہے جب کہ صرف 7 فیصد کے مطابق ٹوئٹر فیڈ میں خرابی ہے۔
اس ضمن میں تاحال مصدقہ وجوہات سامنے نہیں آسکی ہیں اور نہ ہی ٹوئٹر انتظامیہ نے اپنا کوئی مؤقف پیش کیا ہے۔
