واشنگٹن: (ویب ڈیسک) امریکا میں دکاندار کی معمولی غلطی سے شہری پر قسمت ایسی مہربان ہوئی کہ وہ لاکھوں ڈالرز کا مالک بن گیا۔
غیر ملکی میڈیا کے مطابق امریکی ریاست اوہائیو سے تعلق رکھنے والے شخص نے مقامی اسٹور سے لاٹری کے پانچ ٹکٹس خریدے جس پر غلط پرنٹنگ ہوگئی تھی۔
غلط پرنٹنگ کے باعث شہری کی قسمت جاگ اٹھی اور وہ دس لاکھ ڈالرز (18 کروڑ 17 لاکھ روپے سے زائد) کا مالک بن گیا۔
بسٹر نامی خوش قسمت شہری نے لاٹری آفیشلز کو بتایا کہ اس نے مقامی دکان سے لاٹری ٹکٹ مانگے تو دکان دار نے غلطی سے ایک ٹکٹ پرنٹ کیا جب کہ میں نے پانچ ٹکٹ مانگے تھے، بعدازاں دکان دار نے دیگر چار ٹکٹ بھی پرنٹ کیے۔
امریکی شہری کا کہنا تھا کہ دکان دار یہ معمولی غلطی سے میرے دس لاکھ ڈالرز کی خطری رقم کا مالک بن گیا۔
بسٹر نے کہا کہ وہ انعامی رقم سے اپنی گاڑی کے بقایاجات اور گھر گروی رکھ کر لیے گئے قرض کی ادائیگی کرے گا جب کہ باقی رقم اپنی ریٹائرمنٹ کیلئے بچاکر رکھے گا۔
