سابق وفاقی وزیر و پی ٹی آئی رہنما اسد عمر نے کہا ہے کہ صرف 4 ہفتےمیں زرمبادلہ ذخائر میں 5 ارب ڈالر کم ہوگئے، ملک چلانا اس امپورٹڈ حکومت کےبس کی بات نہیں۔
پی ٹی آئی رہنما اسد عمر نے اسلام آباد ہائیکورٹ کے باہر میڈیا سے گفتگو کرتے ہوئے کہا کہ آج سنا ہے مشیر خزانہ نے معیشت سےمتعلق شکوہ کیا ہے، مفتاح اسماعیل کی ابھی سے کانپیں ٹانگنا شروع ہوگئی ہیں۔
اسد عمر نے مزید کہا کہ ن لیگ کے دور میں ذخائر میں تیزی سے کمی آرہی ہے، زرمبادلہ ذخائر کا تقریباً ایک چوتھائی صرف 4 ہفتےمیں چلا گیا، ہم نے تنکا تنکاجوڑ کرکام کیا، انھوں نے 4 ہفتے میں ہی ذخائر کم کردیے مصنوعی حکومت جتنی دیررہے گی اتنا ہی معاشی بحران شدید ہوگا۔
پی ٹی آئی رہنما کا یہ بھی کہنا تھا کہ امپورٹڈ حکومت میں صبح شام اتحادی اٹھتے ہیں اور کہتے ہیں یہ نامنظور وہ نامنظور۔
