یورپی کمیشن نے روس کیخلاف پابندیوں کے چھٹے مجوزہ پیکج کا اعلان کردیا

یورپی کمیشن نے روس کیخلاف پابندیوں کے چھٹے مجوزہ پیکج کا اعلان کردیا۔
یورپی کمیشن کے روس کیخلاف پابندیوں کے پیکج میں روسی سیاسی، عسکری شخصیات پر پابندی ، روسی سبر بینک کو سوئفٹ نیٹ ورک سےخارج کرنا شامل ہے۔
غیر ملکی خبر ایجنسی کےمطابق یورپی کمیشن کی چیف ارسولا وان ڈیر لین نے یورپی پارلیمنٹ میں خطاب کےدوران روس کیخلاف پابندیوں کاچھٹا مجوزہ پیکج پیش کیا۔
ان کا کہنا تھا کہ مجوزہ پیکج کے تحت روسی تیل، پائپ لائن،کروڈ آیل، روسی سیاسی ،فوجی شخصیات پرپابندی، روسی سبر بینک سمیت دیگربڑےبینکوں کی سوئفٹ نیٹ ورک سےعلیحدگی اور 3بڑے روسی ریاستی براڈکاسٹرزکی یورپی یونین میں براڈکاسٹ پرپابندی شامل ہے۔
خبر ایجنسی کا کہنا ہے کہ یورپی کمیشن کی پابندیوں کی فہرست میں سربراہ روسی آرتھو ڈوکس چرچ پیٹریارک کیرل اور کریملن ترجمان دمیترے پیسکوف کی اہلیہ ، بیٹا، بیٹی کا نام بھی شامل ہے۔