رانا ثنا اللہ دھمکیاں دے رہے ہیں، شہباز گل

اسلام آباد: (ویب ڈیسک) پاکستان تحریک انصاف (پی ٹی آئی) رہنما شہباز گل نے کہا ہے کہ رانا ثنا اللہ دھمکیاں دے رہے ہیں کہ عمران خان اسلام آباد میں داخل ہو کر دکھائے۔
پی ٹی آئی کے رہنما شہباز گل نے سماجی رابطے کی ویب سائٹ ٹوئٹر پر لکھا کہ انہوں نے عمران خان کو نواز شریف سمجھ رکھا ہے جو ڈر کر بھاگ جائے گا۔ عمران خان آج بنی گالہ میں 3 بجے کور کمیٹی اجلاس کی صدارت کریں گے۔
انہوں نے کہا کہ عمران خان کا جینا مرنا پاکستان میں ہے، عمران خان کو گرفتار کریں پھر انجام دیکھنا۔
واضح رہے کہ رانا ثنا اللہ نے اپنے ایک بیان میں کہا تھا کہ عمران خان کی عبوری ضمانت ختم ہونے پر ان کی سیکیورٹی پر مامور اہلکار ہی انہیں گرفتار کر لیں گے۔