لاہور (اپنے سٹاف رپورٹر سے) پنجاب میں پہلی مرتبہ 90 ہارس پاور کے ٹریکٹرز کی مینوفیکچرنگ، 100ہارس پاور ٹریکٹرز کی اسمبلینگ شروع، وزیر اعلیٰ پنجاب گرین ٹریکٹر پروگرام فیزفور کی قرعہ اندازی، گرین ٹریکٹر فیز فائیو ایپلی کیشن پورٹل کی لانچنگ، پنجاب میں سی ایم گرین ٹریکٹر پروگرام فیز فور کاباقاعدہ افتتاح کیا، وزیراعلیٰ مریم نواز شریف نے گرین ٹریکٹر پروگرام فیز فورکی ڈیجیٹل بیلٹنگ کرکے آغاز کیا۔ وزیراعلیٰ مریم نواز شریف نے بٹن دبا کرگرین ٹریکٹر پروگرام فیز فور کی ڈیجیٹل قرعہ اندازی کی،گرین ٹریکٹر سکیم فیز فور میں پہلا ٹریکٹر اٹک کے مسعود خان ولد لال خان کا نکلا۔ وزیراعلیٰ مریم نواز شریف گرین ٹریکٹر پروگرام فیز فائیو کے لیے ایپلی کیشن پورٹل بھی لانچ کیا،وزیراعلیٰ مریم نواز شریف کی قرعہ اندازی میں کامیاب امیدواروں کو مبارکباد۔ رواں مالی سال میں کاشتکاروں کو دو فیزمیں 19,500 گرین ٹریکٹر فراہم کیے جائینگے،گرین ٹریکٹر فیز فور میں 50 سے 65 ہارس پاور کے 10ہزار ٹریکٹرز دیئے جائینگے۔ سی ایم گرین ٹریکٹر سکیم میں 50 سے 65 ہارس پاور پر ساڑھے سات لاکھ روپے حکومت پنجاب سبسڈی دے گی،گرین ٹریکٹر کیلئے 17.6 ارب روپے کی رقم مختص کی گئی ہے۔ گرین ٹریکٹرفیز فائیو میں 75 سے 125 ہارس پاور کے 9,500 ہائی پاور ٹریکٹرزپر10 لاکھ روپے سبسڈی دی جائے گی۔ بریفنگ میں بتایا گیا کہ گرین ٹریکٹر پروگرامز کے تحت کسانوں کو 10 لاکھ فی ٹریکٹر کی سبسڈی کے ساتھ 24,000 ٹریکٹر ز فراہم کیے جا چکے ہیں۔ ہر ضلع میں ٹریکٹر کا کوٹہ کاشت کردہ اراضی کے تناسب سے مقرر کیا گیا ہے، گرین ٹریکٹر پروگرام میں 213,637 سے زائدکسانوں نے درخواستیں دیں ۔ وزیراعلیٰ پنجاب مریم نواز شریف کی پنجاب کے کسانوں کیلئے تاریخی خدمات کے ثمرات سامنے آنے لگے۔پنجاب کی تاریخ میں 20 سال میں کسانوں کے لئے 10 ہزار ٹریکٹردیئے گئے جبکہ وزیراعلیٰ مریم نوازشریف کے ڈھائی سالہ دور میں 35 ہزار ٹریکٹرزتقسیم کیے گئے۔پچھلے 20 سال میں ایگریکلچر میکانائزیشن پر تین ارب خرچ کیے گئے جبکہ وزیراعلیٰ مریم نوازشریف نے ڈھائی سال میں 20 ارب روپے ایگری کلچر میکانائزیشن پر صرف کیے۔پنجاب میں پہلی مرتبہ 90 ہارس پاور کے ٹریکٹرز کی مینوفیکچرنگ کا آغاز ہوا اور 100 ہارس پاور ٹریکٹرز کی اسمبلنگ شروع ہوچکی ہے۔ اس سلسلے کو آگے بڑھاتے ہوئے وزیر اعلیٰ پنجاب گرین ٹریکٹر پروگرام فیزفور کی قرعہ اندازی کی گئی اور گرین ٹریکٹر فیز فائیو ایپلی کیشن پورٹل کی لانچنگ بھی کی گئی۔ پنجاب میں سی ایم گرین ٹریکٹر پروگرام فیز فور کاباقاعدہ افتتاح وزیراعلیٰ مریم نواز شریف نے ڈیجیٹل بیلٹنگ کرکے کیا۔وزیراعلیٰ مریم نواز شریف نے بٹن دبا کرگرین ٹریکٹر پروگرام فیز فور کی ڈیجیٹل قرعہ اندازی کی۔ڈیجیٹل قرعہ اندازی میں گرین ٹریکٹر سکیم فیز فور میں پہلا ٹریکٹر اٹک کے مسعود خان ولد لال خان کا نکلا۔وزیراعلیٰ مریم نواز شریف گرین ٹریکٹر پروگرام فیز فائیو کے لیے ایپلی کیشن پورٹل بھی لانچ کیا۔وزیراعلیٰ مریم نواز شریف نے قرعہ اندازی میں کامیاب امیدواروں کو مبارکباددی۔ دریں اثناء وزیراعلیٰ پنجاب مریم نواز شریف نے سعودی عرب کے قومی دن پر سعودی قیادت اور عوام کو مبارکباد دی ہے۔ سعودی عرب کے قومی دن پر اپنے خصوصی پیغام میں وزیراعلیٰ مریم نواز شریف نے کہا کہ پاکستان اور سعودی عرب کے عوام مکہ معاہدے سے بہت خوش ہیں۔ پاکستان الحرمین و شریفین کی حفاظت کو اپنی سعادت سمجھتا ہے۔ پاکستانی قیادت اور عوام سعودی عرب کو محبت، عقیدت اور قدر کی نگاہ سے دیکھتی ہے۔ وزیراعلیٰ مریم نواز شریف نے کہا کہ سعودی عرب میں امن، ترقی اور خوشحالی کیلئے دعا گو ہیں۔ پاکستان اور سعودی عرب کے درمیان تعلقات اعتماد، خلوص اور اخوب کی بنیاد پر قائم ہیں۔
وزیراعلیٰ پنجاب
