مس مارول، فواد اور مہوش کی محبت بھری کہانی نے مداحوں کو اپنے سحر میں جکڑ لیا

کراچی: (ویب ڈیسک) پاکستانی ہدایتکار شرمین عبید کی ہدایتکاری میں بننے والی سیریزمس مارول میں فواد خان اور مہوش حیات کی محبت بھری کہانی نے مداحوں کو اپنے سحر میں جکڑ لیا۔
جب سے یہ تصدیق سامنے آئی کہ پاکستانی اداکار فواد خان مس مارول سیریز کا حصہ ہوں گے اس وقت سے ہی مداح سیریز ریلیز ہونے کا شدت سے انتظار کررہے تھے۔
سیریز کی پانچویں قسط میں فواد خان مرکزی کردار کمالہ خان کے پردادا (حسن) اور پاکستانی اداکارہ مہوش حیات پردادی (عائشہ) کے روپ میں جلوہ گر ہوئے، چوتھی قسط میں ایک تصویر کے ذریعے فواد خان کی صرف ایک جھلک دکھائی گئی تھی جس بعد مداح انہیں کردار ادا کرتا دیکھنے کے لئے بےقرار تھے۔
تاہم اب سیریز میں اداکار کی باقاعدہ انٹری نے مداحوں کے دل جیت لیے ہیں سوشل میڈیا پر بھی اس جوڑی کے خوب چرچے ہو رہے ہیں، نئی قسط میں ایک بار پھر تقسیم برصغیر سے قبل کا دور فلمایا گیا جس میں فواد خان کو تحریک آزادی کے رہنما کے طور پر متعارف کرایا گیا۔