اسلام آباد: (ویب ڈیسک) وزیر خزانہ کا کہنا ہے کہ ڈالر حکومتی کوششوں سے نیچے آیا ہے، ڈالر کی قیمت ڈیمانڈ اور سپلائی کا حاصل ہے۔
وزیرخزانہ مفتاح اسماعیل نے چیمبرآف کامرس سےخطاب میں کہا ہے کہ ڈیمانڈاورسپلائی کی وجہ سےڈالرمیں اتارچڑھاؤآتاہے۔ حکومتی کوششوں سے ڈالر نیچے آیا۔بیرونی ادائیگیوں سے توازن خراب ہو گیا تھا۔خسارہ کم کرنے کے لیے خریداری کم کر رہا ہوں۔
ان کا کہنا ہے کہ معیشت کی بہتری کیلئےلگژری اشیاکی درآمدپرپابندی لگائی۔ ماضی میں کرنٹ اکاؤنٹ خسارہ بڑھتارہا۔ ہم گروتھ کرتے ہیں پھر برسٹ ہو جاتے ہیں۔ہم ایکسپورٹ نہیں کر پارہے۔دنیابھرمیں شرح سودمیں اضافہ ہوگیا۔
انہوں نے کہاہے کہ 80ارب ڈالر کی درآمدات اور 30ارب کی برآمدات ہوئیں۔ہم نے 450ملین ڈالرواپس نہیں کیے تو دینے والے سے مزیدمانگتے ہوئے شرم آتی ہے۔1996سے آج تک 450ملین ڈالر واپس نہیں کرسکے۔آئی ایم ایف کی فنڈنگ سے متعلق کافی پیشرفت کی ہے۔
انہوں نے کہاہے کہ متحدہ عرب امارات بھی پاکستان میں ایک ارب ڈالر کی سرمایہ کاری کرے گا۔ایل سیزکھول دی گئی ہیں۔آج تک کوئی ادائیگی روکی نہ ہی روکیں گے۔
ان کا کہنا ہے کہ ۔ہم دبئی سےسستاپیٹرول بیچ رہےہیں۔5سے 6ارب ڈالر کا خوردنی تیل رواں سال درآمد کرناپڑے گا۔ایل این جی تاریخ کی بلندترین سطح پرہے۔کوروناکےدوران سستی ایل این جی مل رہی تھی مگرکسی نےمعاہدہ نہیں کیا۔
ان کا کہنا ہے کہ پاکستان میں آج 25ہزار میگاواٹ کے قریب بجلی بنتی ہے۔نواز شریف نے بجلی ڈبل کر دی تھی۔جون ،جولائی میں 5،5 ہزار میگا واٹ شارٹ تھے۔جب ہم نے بجلی ڈبل کی، کیا پاکستان میں امپورٹ یا ایکسپورٹ ڈبل ہوئی؟جب چھوڑ کر گئے گندم ایکسپورٹ کر رہے تھے، اب امپورٹ کر رہے ہیں۔
