سیلاب: چلو جلدی سے سب کھانے پینے کی چیزیں ذخیرہ کر لو، شعیب اختر کا طنز

اسلام آباد: (ویب ڈیسک) پاکستان کرکٹ ٹیم کے سابق فاسٹ باؤلر شعیب اختر نے ملک بھر میں سیلابی صورتحال اور بارشوں سے ہونے والی تباہی پر طنزیہ انداز میں ٹوئٹ کرتے ہوئے لکھا کہ چلو جلدی سے سب کھانے پینے کی چیزیں ذخیرہ کر لو۔
سماجی رابطے کی ویب سائٹ ٹوئٹر پر پوسٹ شیئر کرتے ہوئے اپنے پیغام میں راولپنڈی ایکسپریس نے لکھا کہ میرے ہم وطنو، سیلاب تباہی مچا رہا ہے ملک میں، چلو جلدی سے سب کھانے پینے کی چیزیں ذخیرہ کر لو، قیمتیں 4 سے 5 گناہ بڑھا دو، کسی کی مدد نہیں کرنا۔
شعیب اختر نے اپنے ٹوئٹ میں مزید لکھا کہ یہی تو وقت ہے منافع کمانے کا اور سب کرتے ہوئے سیاست دانوں کو گالیاں دینا مت بھولنا کیونکہ غلط تو صرف وہی ہیں۔