راولپنڈی: (ویب ڈیسک) بلوچستان کاہان دھماکے میں شہید ہونے والے کیپٹن محمد فہد خان کی نماز جنازہ ادا کردی گئی۔ نماز جنازہ میں آرمی چیف جنرل عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد مرزا بھی شریک ہوئے۔
انٹرسروسز پبلک ریلیشنز (آئی ایس پی آر) کے مطابق بلوچستان کاہان کے قریب دھماکے میں شہید ہونے والے کیپٹن محمد فہد خان کی نماز جنازہ آرمی قبرستان راولپنڈی میں ادا کی گئی۔
نماز جنازہ میں آرمی چیف جنرل عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد مرزا، سینیئر سول و ملٹری افسران اور شہید کے لواحقین شریک ہوئے۔
شہید کو پورے فوجی اعزاز کے ساتھ سپرد خاک کیا گیا۔
